Popular Bible Verses from 1 Kata Koolent 15

Share

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

Bale usalaal Ateemit, ásenumolaamuu kaheekaku li Amaaŋenawu!

Jakum jibuntoolo: «Kanaboo li bukan kajakut, lakajenekajen an ajake.»

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

Aa eketaye, kama kaheekaku kooli kit kunkay? Kama katahaku kooli kunkay?» Katahaku kata eketayi ko kommuu kahoofoolaku, ban kahoofoolaku eluwaayi esen ko sembe.

Boot min ilobuul wah wahaasuti: let ololaal foofolaal feh óomi li uketaal, bale alolaal foofolaal feh siniilasu soololaal fan síbutoo. Wahawu unwu fan ubaj yaan li ñano, hi’ loon an amoye, nan kasiinaku kúsolaaku kommuu li kul̥oki. Li mal̥egenamu, nan kasiinaku kúsolaaku kommuu li kul̥oki, bukanabuku kaketumuu fan kuyitowumul li eketayi min kulako bukan kayilaat kuket. Alolaal jaamaalumuu li buloŋ, siniilasu soololaal fan siyaan síbutoo.

Mata emmuu eketayi li an ano ebilummuu, mo foof kayitowulaku li eketayi kubilummuu li an ano. Loon Adam ájimuu bukanabuku li kunaak kuket, mo foof Kilisita ájimuu bukanabuku li kóomi li kuyitowumul li eketayi.

Li mal̥egenamu, wahawu wakajenemuu woote ulako wah wákajeneliit, wahawu waketemuu li ulako wah wáketeliit.

Li mal̥egenamu, Kilisita laate alako áyii boot yok nan Ateemit ammuu li aheek kulatoolawool feh, ban li aŋaliil asenool ákakul. Alatoolaawu ásolaawu an ammuu li aniilen, okila ammuu eketayi.