Popular Bible Verses from 1 Kata Koolent 13

Share

Húbooli húmuñ, húbooli másuum. Húbooli inti batii, húbooli inti kasaloolo, húbooli inti katebenoolo. Húbooli ákaanoliit wah wasuuneniye, húbooli áŋeseliit majake moola bale, húbooli áwuñeteliit, áŋaleliit an atilene akaan li huuñool.

Húbooli latojooletojoo wahawu feh, láyineneyinen wahawu feh, lákangumekangum li wahawu feh, lámuñemuñ wahawu feh.

Húbooli ábajoliit ésuumansuum li wah wacolut, bale mal̥egen akaanewool ésuumansuum.

Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

Li bil nokoo loon liŋaŋŋa’ wahawu wan ibajumuu feh igaben bukan, ban li isen eniilayi yúmbaam min ésuli, ibajutumuu húbooli, wahawu unwu feh let újaliŋom wahoowah.

Nan ilakomuu añiil, linaanaak ilob loon añiil, li inaak iyinoo loon añiil, li inaak ínaanum wah loon añiil. Bale nan ikaanumuu anahaan, li ikat wah wata huñiileto.