Popular Bible Verses from MARK 6

Share

Jishuna athumli, “Ngachakyang kahai apam akhali vāhaosa, laga nathum chili angasāmkhuilu” da hānga. Kaja mi chungnā kashok-kazang sāhaoda athum leiyālak eina phākashak-phakazā atamla masamphangmana.

Chieina Jishuna athumli hānga, “Marānliva kachichāramli shangnao ramnao kala shimkhurna kajimada apam kachiva̱li khayāmakashi maleimana.”

Jishuna marikhongwui eina kārkashok tharan mi kachungkha chili theida lumashanlakhaowa, kaja athum yaokahoma makhalei yaobing thai. Chieina ana athumli apong kachungkha tamchitheiphoka.

Apam chili ana kakazānao akha khaniwuitungli pāng parza̱da raikhami maningla matakhak kahai ot khangatei masāpaithuwa. Kala ana athumwui mashitkasang chi theilaga matakhakhai. Chiwui vang ana kha̱kha̱li vāda tamchithei.

Jishuna khamui phangā kala khaih khani chi singkhuilaga kazingramli yangkāda sokhami pomi kala khamui chi serkhaida yaruili yaovā khavai sākhangatha̱bingli mi kala khaih khani chila chithada ngayarmisera. Athum saikorana shai kala ningyāng unglakhaowa. Athumna khamui eina khaih shaitai chi luk tharāda khani kazipkhui.