Popular Bible Verses from MATTHEW 24

Share

Ṭhatmak kapung kha khanga kachang sik a kha, mihring katamtak hei lungsetna hong kabâng sik. Tâk achaina katlunga kahnet a ka-om mi kha hukmanhring kachang sik.

Khana hiva Rengram Ṭong kaṭha hi vânhnōi raleia jât rakip hneng sâkhi sik a hrimanthang sō sik kae; khava sō leh a’nchaina kha jōng katlung sik jo.

Nangni’n akahnaia re inhnok rasa khana akahla a reṭong nanthei sik; nanmalung manrim mak ruh. Khahei kha kasōk nger sik, tâk achaina chu lachang mak ning.

Ram inkhat leh inkhat indōi sik hei, rengram inkhat leh inkhat inbuhlu sik hei. Hmun rakip a sâk kakhôk sik khana lingnu innok sik. Hihei rakip hi naiha kaphu nat inphutna kapō kae.

Marvân leh ralei chu inhmang sik, tâk kei ṭongrahme hei chu inhmang hêrmak hei ning.

Mi katamtak in, kei sik a ṭongkahri ung antia kahong sik hei khana, ‘Kei Messiah eng kae,’ anti sik, mi katamtak anhōn sik hei.

“Khan chu nangni karâkna sik leh that sik a mihe’n ansur sik chei khana mikut chunga anpek sōt sik chei. Kei jâra jât rakip in anhōt sik chei. Khava pha mi katamtak in taksenna anmasō sik; inkhat in inkhat inhōn inthla sik hei, in-enkada sik hei. Sânkathem inhlem katamtak hong kasōk sik hei, khana mi katamtak anhōn mathlâk sik hei.

Jesu’n amasôn hei, “Insing thei ruh, tûte’n ahōn makna sik chei tlo ruh.

Kha achang inchu, nangni’m a’nrinṭhak sik chei kasōk, ajârchu nangni’n nanhlamrin mak phatak a khan Mihring Sapa kha akajōng sik kae.

“Khava jâra inrin ruh, ajârchu heikania nan-Rōngpu akajōng sik manhret mak chei.

“Khava kani leh pha kha tûte inkhat in manhret mak hei, marvân ngevahei leh Sapa kha’num manhret mak hei; Pa rōk in amanhret kae.

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

Mihring Sapa jōng sik kha Noah phalai aleikasōk kapō kha ka-ang sik. Tuishâng alen mak hma Noah kha rakōnga ahlut ning katlung, mihei kha ansâk an-in, nuhmei-pase lu-inhông heia leika-om hei; tuishâng ahong lena, ahong tlenhlon mak hei kârseng anmani’n leimanhret mak hei. Khang’khan Mihring Sapa ajōng sik kha’m akachang sik kae.