Popular Bible Verses from ROMIYA 6

Share

Rouram chu pak ae na amant chu athi ha ae chuti weta Chungthieng hina pek chu arengpu Jisu Khrista jarra samla ringchange.

Pak ha namitpu no ae; rou ram chu nangna rouphun hana thuija ringa am no ae chuti weta Chungthieng lungshit thuija ae.

Anina baptias ae hana amo hitta phum ha so ae akha chu mathit tum ha pha tol so ae. Khrista ta athi haithou wa mapa Chungthieng arat mahung majai tolla ringpi so ae, chuhekta anina athar ringchang ring ranga ae.

Napum ma sarukka akha phao wa hrano pak tullu lu ranga pe thing no oh, hana hutta napum lim ha Chungthieng taranga pe oh athi sa hai thou wa ringchang ronna phao ranga hana ahra adiekka ae rang napum lim pa pe oh.

Hana ani dang ha sha ae chu ani alui ringchang hi ma khross chunga thi tol so ae ti lea ani pakka am pum hi mangpi so ae. Chuna sarukka ani na pak hina kor changa am ni jo weh.

Chuna chu hekta nangna kom hallanga ae natak hi thi so ae pak lam ma halhlak juija chutihal kom Khrista Jisu majarra ringchang hi Chungthieng hitta ringha so.

Ani na alota rillei ti meh? Chungthieng lungshit tamtek ranga anina pakka am ri ei ti meh? Ano sa ae! ani hi pakka thi so ae chu ti lea ani na alota pakka ring ranga amanga meh?

Nangeina dang ange ta hallinge nangna natak ha atu jongpa akha hana kor tarang napek su juija routakka namitpu hana ril ha jui ranga kor sa ae. Pak aleh chu nangta athija lamkai ange, ano lea aril jui mee lea chu nangta dramochel pi ange.

Chuti weta Chungthiengta riemma dom shu oh! rou ram chu apha akha ah nangna pak hina kor changphur hal kom nangta chupi takpi napha hana nangna nalung songa adiek ka tukso che. Chuna nang hi pak kum ma hei thou washukka thingso che, hana atun chu dramochel ngei hina kor chang so che ae.