Popular Bible Verses from ROMIYA 11

Share

Rouram chu eheilimpa hi makutsem chakkae akha chu eheilimpa hi makolla hai thou chakkae, chuna makolla Chungthieng hina mahung majai ha atreem nei no wa am shu oh! Amen.

Eya ah lokka meh Chungthieng neidon hi! Eja ah thukka meh malungsing lungwar! Atuna ma lung hata ril nea angsa? Atuna malam hi dangne angsa?

Jieksa na rilchu hekta, “Atuna arengpu Malung halta dangne angsa? Atuna amota ahra rou pe nea angsa?

Hahekta Chungthieng jarra lungshi ah mahalsha ahre chak am so ae. Malungshit chu makut chunga am meh, mani ae na tullu ma no ae rouram chu ejonga Chungthieng na mani lu tullu nu jui ha lea chu malungshit ha athieng lungshi ano ae.

Chuna aling churuphal bak ahre na tikka ramna churuphol bak hanu jumma kolom sem ma churuphol bak changa ra so ae, hana nangei Gental ngei hi ramma churuphol kung jong pa ae chuna atun chu nangeina Jehudi ngei hekta namuihla rat ranga saruk pha tol so ae. Chuna sarukka nangei na abak atikhata lungherno oh, nangei chu abakkae abak na atro ta ron no ae, atro na nangeita ronpi ah am sa ae.