Popular Bible Verses from MATHAI 6

Share

Tamo khe nwng Kaitorni hani bagwi se uansuk gra di, bo naima tẃino tongna bagwi se uansuk gra di; hakhe bo norokno aswk manwirokno rw anw.

Aboni bagwino khwnani bagwi ta uana di, khwnani khwna uansukjak anw. Tini tangmani tinini wngo.”

“Aboni bagwino ang norokno o kók sa-o, tamono cháui nungwi thangnai hwnwi ta uana di, phiya tamono kannai, tamono chumnai hwnwibo ta uana di. Chámungni slái langma tor kuk ya diba? Phiya rí-chumni slái bwsak tor kuk ya diba?

Nwng suri san phuru khe nini nok bisingo habwi dugar soui nukjak ya Nwphani thani suri san di. Hakhe nwng tepsa khe khlaimano nuknai Nwpha nono sokat rwnai.

Aboni bagwi norok omo tẃi khe suri san di: Chuknohani o chini Apha, nini mung kwthar surijak thung; nini ha phai thung; nini muchung tẃi chuknoha-o wngma hai o ha-obo ahai’-no wng thung.

Tinini nangmani chámung chwngno rw di.

Bui chini hamya khlaimano chwng nakar tẃi nwngbo chwng hamya khlaimano nakar di.

Chwngno belai khe ta amjok di, phiya Hamyani yakni kati rw di. [Tei tamni hwn khe ha phankrak tei chẃngsacha mol brúm brúm bebak nini máng se. Amen.]

“Bui norokni hamya khlaimano norok nakar khe chuknohani norokni Phabo norokno nakarnai.

Nokhani toksa-toktẃirokno nahar di: bórok maibo sar ya, rabo ra ya, mayamobo da ya; chuknohani norokni Pha bórokno naiwi tongo. Norok toksa-toktẃirokni slái tor kuk ya diba?

“Norok o swngcharo rang-rí ta khati di, oro kurumabo khunti-o, sorbo khi-o, sikhokbo habwi khogo. Aboni slái chuknoha-o se rang-rí khati di, aro kurumabo khunti ya, sorbo khi ya, sikhokbo habwi khogwi man ya. Tamni hwn khe rang-rí tong thani’-no norokni bwkhabo tongo.”

“Khoroksa phano nokphang khoroknwini seleng wngwi man ya; bo khoroksano naisler khe tei khoroksano hamjaknai, eba khe khoroksano khá súk khe tei khoroksano samung nangjak glak. Nwng Kaitorni seleng twtwi rang-ríni seleng wngwi man ya.

Charani jabra-tini tong khe khwna kwrwi, thapa-o sókjaknai; abono se Kaitor aswk naithok rwui ton khe bo norokno naithok rw glak diba? Norok bwswk se poito kisa gwja!

Tamo khe nwng kwrwino rw phuru nini yagra yak tamo khlai nini yaksi yak suda saui ta man rw di, hakhe omo tepsa khe khlaijaknai se. Hakhe nwng tepsa khe khlaimano nuknai Nwpha nono sokat rwnai.”

“Hus wng di, bui nukna tẃi norok lukuni bwskango samung kaham ta khlai di. Norok abo hai khlai khe chuknohani norokni Phani aroni mungsa phano sokat man glak.

“Norok ubas tong phuru phatrarok tong tẃi mwkhang mokjak khe ta tong di. Bórok ubas tongo hwnwi bui saui manna tẃi khe bórok mwkhang kosom khe tongo. O kókno muitu narwk di, bórok sokat manẃi pái kha. Nwng ubas tong phuru mwkhang sú di, bwkhnai-o thok phul di; hakhe nwng ubas tongo hwnwi bui saui man glak; nukjak ya Nwpha simi saui man anw. Hakhe nwng tepsa khe khlaimano nuknai Nwpha nono sokat rwnai.”