Popular Bible Verses from MATHAI 13

Share

Kók khnaui abono romwi mannairok bórok wng kha ha kahamo klainai maichlwi hai. Bórok bwtháibo thái-o, baksa sara, baksa khe dokchi, baksa khe kwthamchi thái-o.”

Baksa ba a kókno khna-o, tamo khe bórok swngcharni kók uansugo, rang-ríno mokol chẃngo, abo bai’-no a kók koboljagwi thángo, hakhe bwthái thái ya wngo. Omo tẃi bororok’-no busulwngo klainai maichlwi hai.

Kaitorni hani kók khnaui romwi man yarok bórokno wng kha lama klainai maichlwi hai. Bórokni bisingo sarjakmani abo Soitan segwi tlang phai-o.

Kók khna khe’-no khápang srangjagwi khá-o chopnairok bórokno wng kha holongsiki-o klainai maichlwi hai. Tamo khe abo bórokni bwkha-o hap súk yani bai bórok kwbáng dwgwi tongwi man ya. Aboni bagwino a kókni bagwi tekto man phuru khe eba sátokjak phuru khe bórok phatsa uslu-o.

“Kaitorni ha wng kha kheto rang gola phobjak hai se. Borok khoroksa abono achomsa nuk kha, hakhe hai’-no hai phobwi kabu kha. Bo belai khá srangwi thángwi bini je tong-kwrwi phal bai kha, hakhe kiphilwi thángwi a khetono pai kha.”

Baksa ba ha kahamo klai kha, bwtháibo thái kha; baksa sara, baksa khe dokchi, baksa khe kwthamchi thái kha.”

Mai rana wng ya sak mungnwi nwi’-no tor gra thung. Aphuru ang ranairokno hai hwnwi sanai, jabrano swkang phuicha di, hóro sókna bagwi bochop khe kha di; hakhe maino thumwi ani mayam nogo da di.’ ”