Popular Bible Verses from ROMEMIKO 8

Share

Usekeba Jihova kekhrümiko mhakehopü thizori mhakevela thiyo, pümedo thi ketola cükeyiko.

Kekrelamori I lükeyi kesasheri, mori kerhü sheri, tüyo choyimi sheri, mori thezhoko sheri, mori kekuko sheri, mori tsükehü mori hisa vori ketoko sheri. Mori kerekrü sheri, mori kerelü sheri, mori khonu kehopü sheri, Jihova kekhrülü uthikho vaho, Jisu Khrista uko Niepoo lano.

Sübide Rüpü ri ukethathikolü ukhrühi bayo, kekrelamori u chokezüko ri seyomo; vele Rüpü no usülü mehimelo de upoyi kehoko ri cho bayo.

Süsa uko kedipü hikola pota? Mhace Jihova ukola tisa, sopüno uko (ngomu) metsuyi veta?

Süla tsüo kemejo dide Jisu Khrista yo ba ketako, somi uthi upho menyülü tamo ta de Rüpü chothalü tata sheri.

Upho medoko kesazo, vele Rüpü medo kelüsü kerhü m thelükemenü.

Simo, hiko metülü pü kekhrüla ukukeyisari kulayi yo.

Kekrelamori I lüti tsükehülü kemezhe ketiko pü hisa zapozale uyo mengosü ketoko zü kemede shü mozo.

Sopü uthikhoyi veta Khrista kekhrülü? Kemezhe ketilü, lüzhelü, methimeni tilü mori kemekrelü, füne kedilü (mechü), kempelü, zecholü hibitilü ta tome?

Rüpü umelülü ukelü kedipü bashi keti phuvo seyi yo, kekrelamori pü kemelümiko la Jihova kelülü mehimelo bayo.

Kekrelamori Jihova Rüpü chotha zü keyiko metü Jihova nune thizo ketola.

Kekrelamori uthi upho menyülü kehüko uthi upho medo züyo, vele Rüpülü kehüko Rüpü medoko lü m züyo.

Pünu zori kela vamozode uko metüla pü püprasü, pü mhakekre kehopü ri kha utsü sü motome?

Jihova Rüpü urüpü zü kese yo (zhopo) uko Jihova nune thi keta. Uko pü nune ta lize uko pü kalümi ri tazo, Jihova kalü, Khrista zü kesade; mhace u püzü kemezhe yo lize, upüzüde zapozaleri thi kesazo ketola.

Kekrelamori upho lüdosü Jihova medo metsuyo, süo Jihova zho khro ta kemola; mori tari yihozo.

Thi m rhe kesümetü Jihova nuneko pü mengosü keto menyüde fü bazo.

Kekrelamori methümehü kesüko metü panyo m kemenu mezhe melo bayo tha ketso.