Popular Bible Verses from ROMEMIKO 12

Share

Cejülü zhorüleko züta hite, sitimole nekehü redepü nelüri kesa salayite; vekethoti mipo nengote: yikeshükethi, m vetsüketi Jihova medo bide.

Süla akhrüko, Jihova phikemezhe zalü nekoce choyo; nethi nepho khapü merhü rütho, kemesa, Therüopo yikeshü kethi, süosü neyitholü rüpü kereshü thite.

Kemerilü rechü bazote, kemezhe zori sügüsühe bazoyi; kecho thimetü vahi.

Mhakesupo nce kuketamoli, mhakeve po mhakesukopi kuyi moze su.

Sazüjüra hunehu kekhrü khi hunehu khrüyite, hunehu rho kekayite.

Kekhrüpo kethüra kemo, kesu keretsü, mhakeve chotsükeyi.

Mhace thiyi ve toze no thüma metü zü kezüve hüte.

Akhrüko, nekhüpo thihi zote; vele khapü Jihova meri süte: kekrelamori thopü metati, “Khüpo sü azhü, I shusüto,” Niepoo side poyo.

Nelü thathi tahi, rüpülü lümü thinyü hühü bayi; Niepoo choyi thiba zote.

Kekrelamori ngokemezhe kha aketsübi I nekoce kepo kehopüri ulüpü utho uce rekrüku ta hite, vele mhalü metsü Jihova kemelü medepü kha kesü dü.

Mhakesu khi mhakesu khüpo thihi, mimhüjülü mhakeve thipü mi mengo süte.

Hunehu züde lüdo kerhüyite, ulü rekrü tahi de mizü kemhayite; renuki ketsakhumi zü hüyite. Nthonlü nve tahi.

Siti moli, mhace nengomumi khü meri talize mhapü püpo tiyite, theri ta süze jüpü pü mekra süte; süsü no keto meyikrapü hipü püpiyo kesü bi zoto.

Jopü nekemeshuko tsüte, reliphri tsüte, reshuhi. Somi rechü tasheli sümüzü rechüte, somi krata sheri sümizüde krayite.

Mhakhapü kemesako khimo kesüko tsüba zoyi, mi meso ba zote.

Kekrelamori umoyo zatho kekreti kekro kebabi, zatho metü mhatho kemha phrümo. Sübi uko metü Khristayo zatho kekroba, zathopüpü ti themopüyo ba.