Popular Bible Verses from CORINTHMIKO KÜRAO 13

Share

Kekhrü (mivaphi tisü) ba mecho sügü sühe keyi, miyo tsülive, kekhrü süo mha meho ta yomo, kekhrü süo ko kemeha khobü ta yomo, utho uchuti, ulü kerekrü ri yomo. Seli ngokemo do thi tayomo, pütho püzhozhülü tamo, pü nümo mhamha ta yomo, mha kesu lü ta yomo.

Mha metükolü hepü tayo, mha metü melüyo, mha metü lüpü kemeri bayo, metülü sügü sühe yiyo.

Kesu kerho kolü rechü tayo mo, vele kethokolü unü rethu tayo.

Tsühi kemelü, kemeri mu kekhrü hi süko kezüba, vele metüko dolü kezhotho (kemeletho) sü kekhrü.

Miva phi ti kekhrü thathi ta yomo, vele saju kepo bazo sheri uko thathi tato; jü lüni kepo bazo sheri süko latato, mhase bazo sheri di tato.

I thüma mu tüyo jüyimiko jülüni poyi zo sheri, kekhrü (mivaphiti) bamo lize I bavü kevü fü bizo, mori bazho kekhrüti bizo.

I saju kepo mhaphrü bazo sheri, mu kemekhrü zhüko se mu lüyi zo sheri mu mhase metü bazo sheri, mu I kemelü metü bazo sheri, side cejütuko thi retuyi tazo sheri, vele mi vaphi ti kekhrü bamo lize I sü mhapüri mo.

Amha azhü kengupü kedimi vathi sü, mu upho pü melü thüsü, vele mivaphiti kekhrü bamo lize süko ala kepra kemeve di.

I natsi kebace I natsimi bide jüpo I mhalü ti natsimi kelü bide mhalü, vele I pethi ta thüma thiyi ketasa, I natsimi bi ketako metü khave.