Popular Bible Verses from PHILIPI 2

Share

A bing rang jak a ngaidon, chong na pal ite khat tho maru, hava rahut a nan lung man rem in lang kei nek a dang mi ning an sat ke tia kan lui ru. Nang ni mirakip in a bing rang jak kan en luia a dangngai rang om en rase u.

Khrista Jisu jiang i om lungdo ha nang ni jiang om om rase

Khrista ning Pathian anga a om aninom, Pathian le ka kan ang rip tia ngaidon mak. Tak-ha, suak anga a kan luia, miring le a hong kan ang, a lungdo rakip ha ama suaver. Hale, Puma nun chan ha miring anga a kan mu, A man khros a thi tung khan na ri a juia, a man duk lut na ha a hong nei.

Hiva jarra nangni sunga Pathian ning lungdo tunga chuan asintor na rang chong jui ha changru.

Pathian ning chung nung tak ama ha a dom sang jui, ming rakip chung nung ming ha a pek jui. Hiva jarra, vanram le, ramuol thuaija om rakip in an khup biling nanti, hale, a pa Pathian lianpui na ha Jisu Khrista hi puma ani tia, chong rakip in risuak na nei nanti.

Nuarle, rang luia chuan rakip ha sinru. I rakip kei chi keiok buia athiang tak a chuan ha thoru, hiva ramuol chung asat makna ning a sip karra hin chungvan na arsi var anga varru.

Ka lungsiat u le naingai, nang nin a pha rakip ka chong ri nan jui ang han, ka om mak in om ka om in nom nangni sanring na nan nei ha khel la lungdo tung thei na ranga chit le kan ruaia thoru.