Popular Bible Verses from Titus 1

Share

Lawv khav hais tias lawv paub Vajtswv kawg, tiamsis lawv tes haujlwm qhia tau tias lawv yeej tsis muaj Vajtswv. Lawv yog ib co neeg uas ntxim ntxub kawg li rau Vajtswv. Lawv tsis mloog Vajtswv lus, thiab yeej tsis tsimnyog tau ua ib yam dabtsi uas zoo hlo li.

Txhua yam yeej dawbhuv rau cov neeg uas dawbhuv; tiamsis yeej tsis muaj ib yam uas yuav dawbhuv rau cov neeg uas siabphem thiab tsis ntseeg Vajtswv li, rauqhov lawv lub siab thiab lawv tej kev xav puavleej phem tag huv tibsi.

Nws yuavtsum muab siab npuab Vajtswv tej lus uas yog lus tseeb thiab yog rawsli txoj kev ntseeg tiag. Yog nws ua li ntawd, nws thiaj yuav muaj cuabkav muab tau tej lus tseeb ntawd los txhawb tau lwmtus thiab thiaj yuav qhia tau qhov uas tsis yog lawm rau cov uas tawmtsam Txojlus tseeb ntawd.

Vim tus thawjcoj hauv pawg ntseeg yog tus uas saib Vajtswv tes haujlwm, nws yuavtsum yog ib tug uas tsis muaj leejtwg thuam tau. Nws yuavtsum tsis txhob khavtheeb, tsis txhob npautaws sai, tsis txhob quavcawv, tsis txhob muaj lub siab nrujtsiv, tsis txhob ua tsis ncaj txog phab nyiajtxiag. Nws yuavtsum yog ib tug uas nyiam tostxais qhua thiab nyiam qhov zoo. Nws yuavtsum tswj tau nws tuskheej, ncajncees, dawbhuv, thiab tswj tau nws lub siab.

tus txwjlaug yuavtsum yog ib tug uas tsis muaj leejtwg thuam tau; nws muaj tibtug pojniam xwb, nws cov menyuam yuavtsum yog ib co uas ntseeg Vajtswv thiab tsis raug leejtwg thuam tau hais tias yog neeg lojleeb lossis tawv ncauj.