Popular Bible Verses from Loos 12

Share

Tsis txhob ua nej lub neej rawsli lub ntiajteb no tus qauv, tiamsis cia Vajtswv muab nej hloov dua tshiab uas yog hloov nej txoj kev xav, kom nej muaj peevxwm paub tau Vajtswv tus dejsiab hais tias dabtsi zoo, dabtsi haum Nws siab, thiab dabtsi yog qhov uas zoo tshajplaws.

Cov kwvtij, vim Vajtswv txoj kev tabncuab uas Nws tau muaj pub rau peb ntau kawg nkaus li, yogli ntawd, kuv thiaj thov kom nej muab nej lub cev ua ib qhov khoom fij uas ciajsia pub rau Vajtswv, uas yog dawbhuv, thiab haum Vajtswv siab. No thiajli yog nej txoj kev pehawm Vajtswv tseeb ntawm sab ntsujplig.

Cia nej txoj kev ciasiab ua rau nej zoosiab, ua siabntev thaum nej raug teebmeem, thiab thov Vajtswv txhua lub sijhawm.

Tsis txhob cia txoj kev phem kovyeej nej, tiamsis nej yuavtsum kovyeej txoj kev phem los ntawm txoj kev zoo.

Nej ib leeg yuavtsum hlub ib leeg ib yam li kwvtij nyob rau hauv Khetos, thiab ib leeg yuavtsum hwm ib leeg.

Kev hlub yuavtsum ncajncees tiag-tiag. Ntxub qhov phem, tiamsis tuav rawv qhov zoo.

Nej yuavtsum ua txhua yam ntawm nej feem kom nej nyob tau nrog sawvdaws sibhaum.

Cov kwvtij, nej tsis txhob ua pauj rau luag, tiamsis cia qhov ntawd rau Vajtswv mamli ua, rauqhov Vajtswv Txojlus hais tias, “Kuv yog tus yuav ua pauj thiab Kuv yog tus yuav rautxim, tus Tswv hais li ntawd.”

Yuavtsum rausiab ntso ua haujlwm tsis txhob tubnkeeg. Yuavtsum xyivfab hlo ua Vajtswv haujlwm.

Vim txoj hmoovhlub uas Vajtswv tau muab pub rau kuv, kuv thiaj hais rau nej txhua tus hais tias: Tsis txhob muab nej tuskheej saib loj dhau qhov uas tsimnyog, tiamsis nej yuavtsum luj nej tuskheej kom zoo, ntsuas nej tuskheej rawsli txoj kev ntseeg uas Vajtswv tau muab rau nej lawm.

Tsis txhob ua phem pauj phem rau ib tug twg, tiamsis yuavtsum ua qhov uas sawvdaws pom tias yog qhov zoo xwb.

Nej yuavtsum ua neej haumxeeb nrog rau txhua tus. Tsis txhob khavtheeb, tiamsis txaussiab hlo nrog cov neeg uas tsis tseemceeb koom uake. Tsis txhob xav tias nej yog neeg txawjntse.

Vajtswv Txojlus hais tias, “Yog nej tus yeebncuab tshaib plab, nej ciali muab mov rau nws noj; yog nws nqhis dej, nej ciali muab dej rau nws haus; yog nej ua li no yuav ua rau txoj kev txajmuag los kub nws.”

Nej yuav tau thov Vajtswv foom koobhmoov rau cov neeg uas tsimtxom nej; thov kom Nws foom koobhmoov zoo rau lawv, tsis yog kom Nws foom phem rau lawv. Thaum muaj neeg zoosiab, nej ciali nrog lawv zoosiab; thaum muaj neeg quajntsuag, nej ciali nrog lawv quajntsuag.

Muab tej uas nej muaj mus pab cov ntseeg uas txomnyem; thiab qhib nej lub vaj rau tej qhua uas taug kev tuaj tau so.

Ntawm peb lub cev yeej muaj ntau yam los koom uake, thiab txhua yam ntawd nyias ua nyias haujlwm. Ib yam nkaus li ntawd, txawm yog peb muaj coob leej los peb puavleej koom rau ntawm Khetos; tagnrho sawvdaws puavleej koom ua ib lub cev.