Popular Bible Verses from Tshwmsim 21

Share

Nws yuav so lawv tej kuamuag huv tibsi mus. Yuav tsis muaj kev ploj kev tuag, kev ntxhovsiab, kev quajntsuag thiab kev mob kev nkeeg ib zaug ntxiv li lawm, rauqhov yam qub twb ploj mus tag lawm.”

Tus uas zaum saum lub zwmtxwv hais tias, “Zaumno, kuv yuav tsim txhua yam tshiab tagnrho!” Nws hais ntxiv hais tias, “Koj muab sau li no cia, rauqhov tej lus no yog lus tseeb thiab ntseeg tau.”

Kuv hnov ib lub suab hais nrov-nrov ntawm lub zwmtxwv tuaj hais tias, “Zaumno, Vajtswv lub chaw nyob yog nrog neeg nyob lawm! Nws yuav nrog lawv nyob, thiab lawv yuav ua Nws haivneeg. Nws yuav nrog lawv nyob thiab yuav ua lawv tus Vajtswv.

Nws hais tias, “Tiav lawm lau! Kuv yog Alafas thiab yog Aumenkas, yog lub hauvpaus thiab yog lub ntsis. Tus uas nqhis dej, Kuv yuav pub cov dej uas txhawv hauv lub qhovdej uas muaj txojsia rau nws haus, uas yeej tsis tau them ib qhov nqi li.

Tus uas kovyeej, nws yuav tau tagnrho tej no; Kuv yuav ua nws tus Vajtswv thiab nws yuav ua Kuv tus tub.

Tiamsis cov neeg uas taiscaus, cov uas tsis ntseeg, cov uas nyiam ua phem ua qias, cov uas tua neeg, cov uas ua kev nkauj kev nraug, cov uas ua khawvkoob, cov uas pe dab pe mlom, thiab txhua tus uas dag, lawv lub chaw yog hauv cov nplaimtaws leejfaj uas cig sib ntswg pesyos, uas yog txoj kev tuag zaum thib ob.”

Tomqab ntawd kuv pom lub ntuj tshiab thiab lub ntiajteb tshiab. Lub ntuj qub thiab lub ntiajteb qub twb ploj mus lawm, thiab dej hiavtxwv los ploj mus tag lawm thiab.

Kuv pom lub Nroog Dawbhuv, uas yog lub nroog Yeluxalees tshiab, los saum ntuj los, uas yog los ntawm Vajtswv los. Lub nroog ntawd yeej tu txhij lawm, ib yam li tus nkaujnyab tu cev tos nws tus txiv.

Lub nroog ntawd tsis tas yuav muaj hnub lossis hli ci, rauqhov Vajtswv tus tshwjchim twb ci ntsa-iab rau hauv lawm, thiab tus Menyuam Yaj twb yog lub teeb uas ci rau lub nroog ntawd lawm. Txhua haivneeg yuav mus-mus los-los ntawm qhov uas pomkev kajnrig, thiab tej vajntxwv uas nyob hauv ntiajteb yuav nqa lawv tej kev vammeej mus rau hauv lub nroog ntawd.