Popular Bible Verses from Tshwmsim 1

Share

Tus Tswv uas yog Vajtswv tus uas muaj Hwjchim Loj Kawg Nkaus, tus uas muaj nyob nimno, tus uas nyob thaum ub los lawm, thiab tseem yuav los tomntej no, hais tias, “Kuv yog Alafas thiab Aumenkas.”

Kuv yog tus uas muaj sia nyob! Kuv twb tuag lawm, tiamsis koj saib maj, nimno Kuv muaj sia nyob mus ibtxhis li. Kuv yog tus uas tuav cov yuamsij rau txoj kev tuag thiab tubtuag teb.

Tus neeg uas nyeem phau ntawv no yuav muaj kev kajsiab lug, thiab cov neeg uas mloog tej lus uas qhiatshwm no thiab ua rawsli cov lus uas sau tseg rau hauv phau ntawv no yuav muaj kev kajsiab lug! Rauqhov twb ze-ze lub sijhawm uas txhua yam no yuav muaj tshwm los lawm.

Thaum kuv pom dheev Nws, kuv ciali qhau cev hlo rau ntawm Nws kotaw zoo li tus neeg uas tuag lawm. Nws txawm cev hlo Nws txhais tes xis los tuav nkaus kuv, thiab hais tias, “Tsis txhob ntshai! Kuv yog lub hauvpaus thiab yog lub ntsis.

Nej saib seb, Nws tabtom nrog huab nrog cua los! Txhua lub qhovmuag yuav pom Nws, txawm yog cov neeg uas muab hmuv nkaug Nws los yuav pom Nws huv tibsi thiab. Txhua haivneeg uas nyob hauv qabntuj no yuav quaj-nyiav ntsoogqees vim Nws. Yeej yuav muaj li ntawd tiag! Amees.