Popular Bible Verses from Malakaus 9

Share

Yexus hais rau leejtxiv tias, “Koj hais tias, ‘Yog Koj pab tau’ no lov? Yeej tsis muaj ib yam uas tus muaj kev ntseeg lawd yuav ua tsis tau li.”

Tamsim ntawd tus metub leejtxiv tau thov tias, “Kuv muaj kev ntseeg, tiamsis tsis txaus, thov Koj pab kom kuv muaj kev ntseeg ntxiv!”

Thaum Yexus mus rau hauv tsev lawm, Nws cov thwjtim nug Nws twjywm hais tias, “Vim licas peb thiaj ntiab tsis tau tus ntsujplig phem ntawd tawm?” Yexus teb tias, “Yam ntsujplig no, yuavtsum thov Vajtswv xwb thiaj ntiab tau tawm.”

“Ntsev yeej zoo, tiamsis yog ntsev tsuag lawm, yuav ua licas thiaj rov daw tau? “Nej yuavtsum muaj cov ntsev ntawm txoj kev phoojywg nyob rau hauv nej, thiab nej yuavtsum nrog lwmtus nyob sib haumxeeb.”

“Leejtwg uas txais yuav cov menyuam yaus no ib tug hauv Kuv lub npe, yog nws txais yuav Kuv; thiab leejtwg txais yuav Kuv, tsis yog nws txais yuav Kuv tibleeg xwb, tiamsis yog nws txais yuav tus uas txib Kuv los thiab.”

Kuv qhia tseeb rau nej hais tias, tus uas muab ib khob dej rau nej haus, vim nej yog Kuv cov, ces nws yeej yuav tsis plam nqizog li.

“Yog leejtwg ua rau cov menyuam uas ntseeg Kuv no ib tug ua txhaum, ciali muab hlua khi ib txhibzeb uas loj dai rau tus ntawd cajdab thiab muab nws pov rau hauv hiavtxwv kuj zoo dua.

Thiab yog koj ib sab qhovmuag ua rau koj ua txhaum, ciali muab sab qhovmuag ntawd kaus povtseg! Koj muaj ib sab qhovmuag xwb tiamsis koj tau mus Vajtswv lub Tebchaws, zoo dua li koj muaj ob sab qhovmuag, tiamsis raug muab pov rau hauv ntujtawg.