Popular Bible Verses from Malakaus 13

Share

Txhua tus yuav ntxub nej vim nej yog cov uas ntseeg Kuv, tiamsis tus uas ua siabntev tiv taus mus txog thaum kawg, tus ntawd yuav dim.

Nej yuavtsum ceevfaj thiab zov tos, rauqhov nej tsis paub tias thaum twg lub sijhawm ntawd yuav los txog.

Thaum luag ntes nej coj mus rau hauv tej tsev hais plaub, nej tsis txhob txhawj tias nej yuav hais licas; thaum txog lub sijhawm ntawd lawm, ciali hais rawsli Vajtswv qhia kom nej hais, rauqhov tej lus uas nej yuav hais ntawd tsis yog nej li lus tiamsis yog Vaj Ntsujplig tus Dawbhuv li lus.

Lub ntuj thiab lub ntiajteb yuav ploj mus, tiamsis Kuv tej lus qhia yuav tsis ploj kiag li.

“Tsis muaj leejtwg paub tias yog hnub ntawd lossis lub sijhawm ntawd, txawm yog cov timtswv ceebtsheej thiab Leejtub los yeej tsis paub; tsuas yog Leejtxiv tibleeg thiaj paub xwb.

Thaum nej hnov kev tsov kev rog nyob ze nej thiab hnov moo txog tej tebchaws uas nyob deb uatsov uarog, nej tsis txhob poobsiab. Yeej yuav muaj tej ntawd, tiamsis tsis tau txhais hais tias twb txog lub sijhawm kawg lawm.

Yogli ntawd, nej yuavtsum zov zoo-zoo, rauqhov nej tsis paub tias thaum twg tus tswvtsev ntawd yuav rov los. Tejzaum nws yuav los thaum tsausntuj lossis thaum ib taghmo lossis thaum qaib qua lossis thaum kajntug. Yog nws ciali los tshwm plaws tamsim, txhob cia nws tseem pom nej pw tsaugzog. Tej lus uas Kuv qhia rau nej, Kuv hais rau sawvdaws ib yam nkaus tias: Ceevfaj zov tos!”

Ib lub tebchaws yuav sawv tawmtsam ib lub tebchaws, thiab ib haivneeg yuav sawv tawmtsam ib haivneeg. Yuav muaj av qeeg nyob rau txhua qhov, thiab yuav muaj kev tshaib kev nqhis. Tej no zoo ib yam li tus pojniam uas nyuamqhuav pib mob plab yuav yug menyuam xwb.

Tiamsis uantej lub sijhawm kawg, Txoj Moo Zoo yuavtsum raug muab qhia rau txhua haivneeg tso.

Yuav muaj ntau leej tuaj ntawm Kuv lub npe tuaj hais rau nej tias, ‘Kuv yog Nws!’ Thiab lawv yuav ntxias ntau leej yuamkev.

“Nej yuavtsum ceevfaj. Yuav muaj neeg ntes nej thiab coj mus rau hauv tsev tu plaub, lawv yuav muab nej ntaus hauv tej tsev sablaj. Nej yuav raug mus sawv tabmeeg tej nomtswv thiab tej vajntxwv ntawm Kuv lub npe ua timkhawv rau lawv txog Txoj Moo Zoo.

Rauqhov yuav muaj tej Mexiyas cuav thiab tej xibhwb cevlus cuav uas tshwm tuaj. Lawv yuav los ua tej txujci tseemceeb ntxias Vajtswv haivneeg uas Nws twb xaiv lawm, seb lawv puas yuamkev tau.

“Thaum tej kev txomnyem ntawd dhau lawm, lub hnub yuav tsaus, lub hli yuav tsis ci, tej hnubqub yuav poob saum ntuj los, thiab tej uas muaj hwjchim nyob saum nruabntug yuav uazog koog huv tibsi.