Popular Bible Verses from Mathais 7

Share

“Nej thov, nej yuav tau; nej nrhiav, nej yuav ntsib; nej khob, lub qhovrooj yuav qhib rau nej.

Rauqhov txhua tus uas thov yeej tau, txhua tus uas nrhiav yeej ntsib, thiab txhua tus uas khob, lub qhovrooj yeej qhib rau nws.

“Yogli ntawd, txhua tus uas hnov Kuv tej lus thiab ua rawsli tej lus ntawd, nws piv ib yam li tus uas muaj tswvyim tsa nws lub tsev rau saum pobzeb.

“Yog nej xav kom lwmtus ua licas rau nej, nej yuavtsum ua ib yam li ntawd rau lwmtus thiab. Qhov no thiaj yog lub ntsiablus hauv Mauxes txoj Kevcai thiab yog cov xibhwb cev Vajtswv lus tej lus qhia.

Tiamsis lub qhovrooj uas coj mus tau txojsia mas nqaim thiab txojkev mus yeej nyuaj, cov neeg uas nrhiav tau txojkev ntawd muaj tsawg heev.

“Nej yuavtsum mus ntawm lub qhovrooj nqaim mus, rauqhov lub qhovrooj loj thiab txojkev dav yog yuav coj mus ntsib kev puastsuaj thiab cov neeg uas taug txojkev ntawd muaj coob heev.

Txawm nej yog neeg phem npaum licas los nej tseem paub muab yam uas zoo rau nej tej menyuam. Yogli ntawd, nej Leejtxiv uas nyob saum ntuj ceebtsheej, yimhuab yuav muab tej uas zoo dua tej ntawd rau txhua tus uas thov Nws!

“Tsis txhob txiavtxim rau lwmtus, kom Vajtswv thiaj yuav tsis txiavtxim rau nej. Rauqhov Vajtswv yuav txiavtxim rau nej ib yam nkaus li nej txiavtxim rau lwmtus, thiab nej muab lub luaj licas luj rau lwmtus, Vajtswv yuav muab lub luaj li ntawd luj rov rau nej.

“Tiamsis tus uas hnov Kuv tej lus thiab tsis ua rawsli tej lus ntawd, ces nws piv ib yam li tus uas tsis muaj tswvyim, nws ua nws lub tsev rau saum cov xuabzeb.

“Vim licas koj saib qhov nyuag hmoov ntoo uas nyob hauv koj tus kwvtij lub qhovmuag, tiamsis koj ho tsis quavntsej txog yav ntoo uas nyob hauv koj lub qhovmuag? Koj twb muaj ib yav ntoo nyob hauv koj lub qhovmuag, vim licas koj tseem muaj cuabkav mus hais rau koj tus kwvtij tias, ‘Cia kuv pab muab qhov nyuag hmoov ntoo uas nyob hauv koj lub qhovmuag rho tawm?’

“Nej yuavtsum ceevfaj txog cov xibhwb cevlus cuav; thaum lawv tuaj txog ntawm nej, saib sabnraud mas zoo cuag yaj, tiamsis sabhauv mas phem cuag hma. Thaum nej pom lawv tes haujlwm nej yuav paub. Tsob pos nqe hlau yeej tsis txi txivhmab, thiab tsob ntoo pos paj ntsha yeej tsis txitxiv ncuavpias.

Ib yam nkaus li ntawd, tsob ntoo zoo yeej txi cov txiv zoo, tsob ntoo phem yeej txi cov txiv phem.

Tsob ntoo zoo yeej tsis txi cov txiv phem, thiab tsob ntoo phem yeej tsis txi cov txiv zoo.

Txhua tsob ntoo uas tsis txi cov txiv zoo, yeej raug muab ntov thiab muab pov rau hauv cub hluavtaws.