Popular Bible Verses from Mathais 18

Share

Yog muaj ob lossis peb leeg tuaj nyob uake ntawm Kuv lub npe rau qhovtwg, Kuv yuav nrog lawv nyob qhov ntawd.”

“Kuv qhia rau nej ntxiv hais tias, yog muaj ob leeg uas nyob hauv ntiajteb no pomzoo thov Vajtswv rau ib yam dabtsi, Kuv Txiv uas nyob saum ntuj ceebtsheej yuav pub yam ntawd rau nkawd.

Yexus hu ib tug menyuam yaus los sawv ntawm lawv xubntiag thiab hais tias, “Kuv qhia tseeb rau nej hais tias, yog nej tsis hloov thiab tsis coj zooli tej menyuam yaus no, ces nej yeej yuav mus tsis tau rau Vajtswv lub Ntuj Ceebtsheej kiag li.

Tus uas loj dua ntais hauv Vajtswv lub Ntuj Ceebtsheej yog tus uas txo hwjchim li tus menyuam yaus no.

Tus uas txais yuav tus menyuam yaus no hauv Kuv lub npe, yog nws txais yuav Kuv.

“Kuv qhia tseeb rau nej hais tias, yam twg uas nej txwv hauv ntiajteb no, yam ntawd yuav raug txwv saum ntuj ceebtsheej; yam twg uas nej tsocai hauv ntiajteb no, yam ntawd yuav raug tsocai saum ntuj ceebtsheej.

Yexus xaus lus hais tias, “Yog nej ib leeg tsis zamtxim rau ib leeg uas yog tawm hauv lub siab tuaj tiag-tiag, kuv Txiv uas nyob saum ntuj ceebtsheej yuav ua tibyam nkaus li ntawd rau nej thiab.”

“Yog leejtwg ua rau cov menyuam uas ntseeg Kuv no ib tug ua txhaum, ciali muab hlua khi ib txhibzeb uas loj dai rau nws cajdab thiab muab pov rau hauv hiavtxwv kuj zoo dua.

“Nej xav licas? Yog muaj ib tug txivneej uas nws muaj ibpuas tus yaj, yog ib tug ploj lawm, nws puas yuav tso cuajcaum-cuaj tus rau saum roob thiab mus nrhiav tus uas ploj lawm?