Popular Bible Verses from Mathais 10

Share

“Nej ciali mloog Kuv hais! Kuv txib nej mus zooli pab yaj uas nyob rau hauv pab hma. Nej yuavtsum ntse ib yam li nab thiab dawbhuv ib yam li nquab.

Tus uas yuav ceev nws txojsia, tus ntawd yuav plam txojsia, tiamsis tus uas yeem tuag rau Kuv, tus ntawd yuav tau txojsia.

Tsis txhob ntshai cov uas tua tau nej lub cev tiamsis tua tsis tau nej tus ntsujplig. Tsimnyog ntshai Vajtswv tus uas tua tau nej lub cev thiab pov tau nej tus ntsujplig rau hauv ntujtawg.

Tus uas tsis kwv nws tus ntoo khaublig thiab taug Kuv tus hneevtaw, tus ntawd tsis tsimnyog ua Kuv li thwjtim.

“Yog leejtwg lees paub Kuv tabmeeg sawvdaws, ces Kuv yuav lees paub tus ntawd tabmeeg Kuv Txiv uas nyob saum ntuj ceebtsheej ib yam nkaus thiab. Tiamsis yog leejtwg tsis lees paub Kuv tabmeeg sawvdaws, Kuv yuav tsis lees paub tus ntawd tabmeeg Kuv Txiv uas nyob saum ntuj ceebtsheej thiab.

Ciali mus kho tej neeg uas muaj mob kom zoo, tsa cov uas tuag lawm sawv rovqab los, kho cov neeg mob ruas kom zoo, thiab ntiab dab tawm. Nej tau txais dawb-dawb licas, nej ciali pub dawb-dawb li ntawd rau lwmtus.

Yogli ntawd, nej tsis txhob ntshai; nej tseem muajnqis tshaj li ntau tus noog tsev!

“Tsis txhob xav tias yog Kuv coj kev thajyeeb los rau ntiajteb. Kuv tsis yog coj kev thajyeeb los, tiamsis Kuv coj ntaj los.