Popular Bible Verses from Yausuas 10

Share

Lub hnub txawm nres thiab lub hli txawm ciali tsis txav mus txog thaum cov Yixalayees kovyeej lawv cov yeebncuab. Zaj no tau muab sau tseg rau hauv Yasas Phau Ntawv . Lub hnub nres rau saum nruabntug tsis poob tau ib hnub nkaus.

Hnub uas tus TSWV pab cov Yixalayees kovyeej cov Amaules ntawd, Yausuas hais rau tus TSWV tabmeeg cov Yixalayees tias, “Lub hnub, ciali nres rau saum lub nroog Nkinpe-oos; Lub hli, ciali nres rau saum lub Hav Aiyaloos.”

Tsis hais uantej ntawd lossis txij thaum ntawd los, yeej tsis tau muaj ib zaug uas tus TSWV yuav mloog neeg lus li hnub ntawd, vim yog tus TSWV tuaj cov Yixalayees tog ntaus rog!

Tus TSWV hais rau Yausuas tias, “Koj tsis txhob ntshai lawv hlo li. Kuv twb muab lawv cob rau koj txhais tes lawm. Yuav tsis muaj leejtwg tawmtsam yeej koj.”

Yausuas hais rau cov thawj tubrog tias, “Nej tsis txhob ntshai lossis qaugzog. Nej ciali ua siab tawv qhawv thiab tsosiab rau tus TSWV, rauqhov Nws yeej yuav ua li no rau nej cov yeebncuab txhua tus.”