Popular Bible Verses from Yausuas 1

Share

Ncontsoov Kuv tej lus xaaj tias koj yuavtsum ua siab tawv qhawv thiab tsis txhob ntshai! Tsis txhob txhawj thiab tsis txhob poobsiab, rauqhov Kuv yog tus TSWV, uas yog koj tus Vajtswv, Kuv yuav nrognraim koj txhua qhov uas koj mus.”

Tsis txhob cia phau ntawv Kevcai no nrug ntawm koj lub qhovncauj mus. Yuavtsum niajhnub niajhmo kawm thiab ua rawsli tej lus ntawd txhua lo, kom koj tes haujlwm thiaj yuav lojhlob thiab vammeej.

Ciali ua siab tawv qhawv thiab tsis txhob ntshai kiag li; ncontsoov coj tagnrho tej Kevcai uas Kuv tus tubtxib Mauxes tau muab rau koj lawm. Tsis txhob tig ntawm txoj Kevcai no mus rau phab xis los yog phab laug, kom koj mus rau qhovtwg los koj thiaj yuav muaj kev vammeej.

Yausuas, yuav tsis muaj leejtwg tawmtsam yeej koj mus tag koj simneej. Kuv yuav nrognraim koj ib yam li Kuv nrog Mauxes. Kuv yuav nrognraim koj thiab yuav tsis tso koj tseg hlo li.

“Ciali ua siab tawv qhawv thiab tsis txhob ntshai, rauqhov koj yog tus yuav coj cov neeg no mus nyob hauv lub tebchaws uas Kuv tau coglus yuav muab rau lawv cov yawgkoob lawm.

Kuv tau coglus tseg rau Mauxes lawm hais tias, txhua thaj av uas nej txhais kotaw mus tsuj, Kuv yuav muab rau nej.

“Kuv tus tubtxib Mauxes tuag lawm. Zaumno koj thiab cov Yixalayees ciali npaj hla dej Yauladees mus rau lub tebchaws uas Kuv yuav muab rau lawv.

Thaum Mauxes uas yog tus TSWV tus tubtxib tuag lawm, tus TSWV hais rau Noos tus tub Yausuas uas pab Mauxes tias

Nej tus ciam yog txij ntua ntawm tiaj suabpuam uas nyob sab qabteb mus txog rau sab qaumteb ntawm Roob Lenpanoos; sab hnubtuaj yog txij ntua ntawm tus Dej Yufatis, tagnrho tebchaws Hitis mus ti nkaus rau Hiavtxwv Meditelanees uas nyob rau sab hnubpoob.

Yog leejtwg tawv nyom koj tej lus xaaj thiab tsis ua rawsli koj hais, tus ntawd yuav raug muab tua povtseg. Koj ciali ua siab tawv qhawv thiab tsis txhob ntshai kiag li!”

mus thoobplaws hauv lub yeej thiab hais rau cov pejxeem, “Ciali npaj zaub-mov kom txaus, rauqhov tshuav peb hnub saum no xwb nej yuav hla dej Yauladees mus rau hauv lub tebchaws uas tus TSWV uas yog nej tus Vajtswv yuav muab rau nej.”