Popular Bible Verses from Yaxayas 42

Share

“Kuv, uas yog tus TSWV, tau hu koj thiab muab lub hwjchim rau koj kom koj coj tau txoj kev ncajncees rau lub ntiajteb. Kuv yuav muab koj ua lolus cogtseg rau txhua tus neeg; thiab Kuv yuav muab koj ua lub teeb ci rau txhua haivneeg. Koj yuav qhib cov neeg digmuag tej qhovmuag thiab yuav tso cov uas raug kaw hauv tej tsev lojcuj uas tsausntuj nti.

“Kuv yog tus TSWV; ntawd yog Kuv lub npe! Kuv yuav tsis pub Kuv tus tshwjchim rau leejtwg li; lossis pub tej mlom muaj feem tau txais tej lus qhuas uas yog Kuv tug.

Tus TSWV hais tias, “Tus no yog Kuv tus tubtxib, uas Kuv txhawb nws tus zog, nws yog tus uas Kuv xaiv tseg, Kuv txaussiab heev rau nws heev. Kuv tau muab Kuv tus Ntsujplig rau saum nws, mas nws yuav coj kev ncajncees los rau txhua haivneeg.

Tus lojkov uas twb po lawm, nws yuav tsis muab lov, lossis lub teeb uas twb yuav tuag, nws yuav tsis muab tshuab kom tuag. Nws yuav coj txoj kev ncajncees mus ibtxhis los rau sawvdaws. Nws yuav tsis tas kev ciasiab lossis qaugzog li, nws yuav rhawv kom muaj kev ncajncees rau hauv lub ntiajteb. Tej tebchaws uas nyob deb tosntsoov nws tej lus qhia.”

“Kuv yuav coj Kuv haivneeg uas digmuag taug tej kev uas lawv tsis tau taug dua li. Kuv yuav muab lawv txoj kev tsausntuj hloov ua kev kaj, thiab muab tej kev uas tsis xwmyeem ncaws kom tiaj rau lawv taug. Tej no yog tej uas Kuv yuav ua, Kuv yuav tsis muab lawv tsotseg ib zaug li.

Tej uas Kuv hais tseg twb tshwm muaj lawm. Nimno Kuv yuav qhia tej yam tshiab rau nej uantej uas tej ntawd tshwm los.”