Popular Bible Verses from Henplais 2

Share

Nimno Yexus muaj cuabkav pab tau cov neeg uas raug kev simsiab, vim Nws twb raug kev simsiab thiab kev tsimtxom los lawm.

Vim cov menyuam puavleej yog neeg muaj roj muaj ntshav, yogli ntawd, Yexus thiaj los yug ua neeg muaj roj muaj ntshav ib yam li lawv. Nws ua li ntawd, kom los ntawm Nws txoj kev tuag Nws thiaj rhuav tau dab ntxwgnyoog, tus uas muaj hwjchim kovyeej txoj kev tuag kom puastsuaj mus

Yogli ntawd, peb yuavtsum hajyam mobsiab khaws txojlus tseeb uas peb tau hnov los lawm cia kom zoo, kom peb thiajli yuav tsis txav deb zujzus ntawm txojlus ntawd mus.

Vimli no, Yexus thiaj yuavtsum los ua neeg zoo ib yam li Nws cov kwvtij, kom Nws thiaj yuav tau ua lawv tus Tuam Povthawj Hlob uas ncajncees thiab muaj lub siab tabncuab nyob rau hauv txoj kev ua Vajtswv tes haujlwm; kom Vajtswv thiaj yuav zam tau neeg lub txim.

Tiamsis peb pom tias Vajtswv cia rau Yexus yau dua cov timtswv ceebtsheej ib nyuag ntu, kom los ntawm Vajtswv txoj hmoovhlub, Nws thiaj tau tuag theej txhua tus. Nimno peb pom Nws muaj tus tshwjchim uas ci ntsa-iab thiab tau koobmeej los ua Nws li mom kub, vim Nws raug txoj kev tuag.