Popular Bible Verses from 2 Kevcai 6

Share

Nej yuavtsum hlub tus TSWV, uas yog nej tus Vajtswv, kom kawg siab kawg ntsws, kawg plab kawg plawv, thiab kawg dag kawg zog.

Muab tej lus no qhia rau nej tej menyuam. Niajhnub hais txog tej lus no, tsis hais thaum nej nyob hauv tsev, thaum nej taug kev, thaum nej so, thiab thaum nej ua haujlwm.

Yuavtsum ncontsoov tej lus uas kuv muab cob rau nej hnubno!

“Cov Yixalayees 'e, nej ua tibzoo mloog nawb! Tsuas yog tus TSWV tibleeg xwb thiaj yog peb tus Vajtswv.

Muab tej lus no pav rau ntawm nej tej cajnpab thiab nej tej hauvpliaj ua chaw nco.

Muab tej lus no sau rau ntawm nej ob tug puabrooj thiab ntawm nej tej roojvag.

Yuavtsum hwm tus TSWV, uas yog nej tus Vajtswv, pehawm Nws tibleeg, thiab tuav Nws lub npe coglus xwb.

“Tus TSWV uas yog nej tus Vajtswv, yuav muab lub tebchaws uas muaj ntau lub nroog loj thiab vammeej uas tsis yog nej tsim rau nej ua nej tug, rawsli Nws tau coglus tseg rau Anplahas, Ixaj, thiab Yakhauj uas yog nej cov yawgkoob lawm. Tej vajtse ntawd muaj txhua yam zoo puvnkaus uas tsis yog nej muaj cia rau hauv, thiab muaj tej qhovdej uas tsis yog nej khawb, muaj tej vaj txivhmab thiab txiv ntoo-roj uas tsis yog nej cog. Thaum uas tus TSWV coj nej los nyob hauv lub tebchaws ntawd thiab nej muaj txhua yam noj nplua-mias lawm, nej yuavtsum ncontsoov tus TSWV, uas tau coj nej tawm hauv lub tebchaws Iziv uas nej ua luag qhev los.

“Tej no yog tus TSWV, uas yog nej tus Vajtswv, tej kevcai uas Nws kom kuv muab qhia rau nej, kom nej coj thiab ua thaum nej mus nyob hauv lub tebchaws uas nej tseem tabtom yuav mus nyob ntawd. Nej thiab nej tej xeebntxwv yuavtsum hwm tus TSWV, uas yog nej tus Vajtswv, mus tas nej simneej, thiab ua rawsli Nws tej kevcai uas kuv muab cob rau nej txhua nqe, kom nej thiaj yuav muaj sia ua neej nyob ntev hauv lub tebchaws ntawd.

Yuavtsum ua tej uas tus TSWV pom tias zoo thiab ncajncees, nej thiaj yuav muaj kev nyabxeeb. Nej thiaj yuav tau mus nyob lub tebchaws av zoo uas tus TSWV tau coglus tseg yuav muab rau nej cov yawgkoob

Yog nej tseem mus pehawm lwmtus nyuag vajtswv thiab, tus TSWV txoj kev npautaws yuav los raug nej ib yam li hluavtaws kub ua rau nej puastsuaj tag huvsi mus, rauqhov tus TSWV, uas yog nej tus Vajtswv, Nws nrog nej nyob thiab khib nej heev.

Tsis txhob pehawm lwmtus nyuag vajtswv lossis teev cov neeg uas nyob ib puagncig ntawm nej tej nyuag vajtswv li.

“Nej tsis txhob sim tus TSWV, uas yog nej tus Vajtswv, ib yam li nej tau sim Nws nyob rau tebchaws Maxas.