Popular Bible Verses from Tes Haujlwm 17

Share

Nws ua li ntawd kom lawv thiajli yuav nrhiav Nws; yog lawv xav ncav kom cuag Nws, lawv yeej yuav ncav cuag xwb, rauqhov Vajtswv yeej nyob tsis deb ntawm peb txhua tus

Nws yog tus tsim txhua haivneeg tawm hauv ib tug neeg los, thiab kom lawv mus nyob thoobplaws hauv lub ntiajteb. Nws yog tus teem sijhawm thiab tu tej nrimteb nrimchaw rau lawv nyob.

Vajtswv, tus uas tsim lub ntiajteb thiab txhua yam uas nyob hauv ntiajteb no, yog tus Tswv uas kav lub ntuj thiab lub ntiajteb thiab Nws tsis nyob hauv tej tuamtsev uas neeg txhais tes ua.

Rauqhov Nws twb teem ib hnub cia ua hnub Nws yuav txiavtxim rau txhua haivneeg hauv qabntuj no los ntawm txoj kev ncajncees thiab Nws twb xaiv ib tug los ua tus txiavtxim lawm. Nws twb qhia tej no meej-meej rau txhua tus paub los ntawm qhov uas Nws tau tsa tus neeg ntawd sawv hauv qhovtuag rovqab los!”

Yogli ntawd, peb cov uas yog Vajtswv li cajces, peb tsis txhob xav tias Vajtswv zoo li ib tug hwvxyeej uas neeg muab nyiaj muab kub nchuav thiab muab pobzeb txaug ua los ntawm lawv tus txujtes thiab peevxwm.