Popular Bible Verses from 2 Timautes 1

Share

Rauqhov tus Ntsujplig uas Vajtswv pub rau peb, yeej tsis ua kom peb muaj lub siab taiscaus; tiamsis Nws ua rau peb puvnpo lub siab uas muaj peevxwm, muaj kev hlub, thiab paub tswj peb tuskheej.

Vajtswv tau cawm peb thiab tau hu peb los rau lub neej uas dawbhuv, tsis yog vim ib yam dabtsi uas peb tau ua los tiamsis yog vim Nws lub homphiaj thiab Nws txoj hmoovhlub xwb. Txoj hmoovhlub uas Nws muab rau peb no twb muaj nyob rau hauv Yexus Khetos uantej uas tsis tau tsim ntuj tsim teb lawm.

Vimli ntawd, kuv thiaj hais rau koj kom koj yuavtsum ceev qhov khoomplig uas Vajtswv muab rau koj lawm kom tsis txhob tuag, qhov khoomplig ntawd yog Vajtswv muab rau koj thaum lub sijhawm kuv tsa tes rau saum koj.

Yogli ntawd, tsis txhob txajmuag ua timkhawv txog peb tus Tswv, lossis txajmuag txog kuv, uas yog ib tug raug kaw hauv tsev lojcuj vim kuv ua Yexus Khetos tes haujlwm. Tiamsis koj ciali nrog kuv koom tiv kev txomnyem pub rau Txoj Moo Zoo, rawsli Vajtswv pub lub dagzog rau koj ua tau.

vimli ntawd, kuv thiaj raug kev txomnyem li no. Txawm li ntawd los kuv tsis txajmuag li, rauqhov kuv paub tias tus uas kuv ntseeg ntawd yog leejtwg, thiab kuv paub tseeb hais tias Nws yeej yuav tsomkwm tej uas kuv muab tso rau Nws lawm mus txog Hnub ntawd.