Popular Bible Verses from 2 Thexalaunikes 2

Share

Nej tsis txhob cia leejtwg ntxias tau nej rau ib txojkev twg kiag li. Rauqhov uantej hnub ntawd yuav los txog, yuav xub muaj kev ntxeevsiab ua zaum kawg tso, thiab Tus uas Phem yuav tshwm los; tus ntawd yog tus uas raug mus nyob rau hauv ntujtawg.

Tiamsis cov kwvtij uas tus Tswv hlub 'e, peb yuav tau niajhnub ua Vajtswv tsaug rau nej, rauqhov Vajtswv twb xub xaiv nej uantej los ua cov uas tau txais kev cawmdim los ntawm Vaj Ntsujplig lub hwjchim uas ua rau nej ua tau Nws haivneeg uas dawbhuv, thiab los ntawm qhov uas nej ntseeg qhov tseeb.

Nws yuav tawmtsam thiab yuav tsa hwjchim loj tshaj txhua yam uas neeg hu hais tias yog tus nyuag vajtswv lossis txhua yam uas neeg pehawm. Nws tseem yuav mus zaum hauv Vajtswv lub tuamtsev, thiab qhia rau sawvdaws hais tias nws yog Vajtswv.

Thov peb tus Tswv Yexus Khetos thiab Vajtswv uas yog peb Leejtxiv, tus uas hlub peb thiab los ntawm Nws txoj hmoovhlub tau pub lub siab tawv mus ibtxhis rau peb, kom peb muaj kev ciasiab ruaj-khov; kom nws nplig nej lub siab thiab txhawb nej lub zog nyob rau hauv txhua yam zoo uas nej ua thiab txhua lolus uas nej hais.

Twb yogli ntawd Vajtswv thiaj cia txoj kev dag-ntxias uas loj kawg li los tshoov lawv lub siab kom lawv ntseeg tej uas tsis tseeb.

Tus uas Phem ntawd yuav siv Xatas lub hwjchim los ua ntau yam txujci uas tsis tseeb, thiab nws yuav siv txhua yam kev phem ntxias cov neeg uas tabtom yuav raug puastsuaj mus. Lawv cov ntawd yuav raug puastsuaj rauqhov lawv tsis kam txais yuav thiab tsis nyiam txojlus tseeb uas yuav ua rau lawv dim lawv lub txim.

Txoj kev phem kev qias uas sawvdaws tsis paub no twb pib ua haujlwm lawm, tiamsis qhov uas yuav tshwm tuaj ntawd yuav tshwm tsis tau mus txog thaum tus uas muab tuav cia ntawd raug muab ntiab tawm mus.