Popular Bible Verses from 1 Timautes 4

Share

Tsis txhob cia leejtwg saib tsis taus koj vim qhov uas koj tseem hluas, tiamsis koj ciali ua qauv rau cov ntseeg xyaum los ntawm koj kev haislus, kev coj, kev hlub, kev ntseeg, thiab kev dawbhuv.

Txoj kev qoj yus lub cev kom nojqab nyobzoo kuj muaj nujnqis rau qeeyam thiab, tiamsis txoj kev uas xyaum ua lub neej kom haum Vajtswv siab nyiam mas muaj nujnqis rau txhua yam huvsi, rauqhov peb yuav tau tej uas Vajtswv coglus tseg rau peb nyob rau tiam no thiab lwm tiam huv tibsi.

Ua tibzoo saib koj lub neej thiab saib koj tej lus qhia kom zoo; ncontsoov ua rawsli tej ntawd, rauqhov yog koj ua li ntawd, koj yuav pab tau koj tuskheej thiab cov neeg uas mloog koj qhia kom dim.

Vaj Ntsujplig yeej qhia tseeb-tseeb hais tias yav tomntej yuav muaj qeeleej neeg tso lawv txoj kev ntseeg tseg thiab ciali mus mloog tej ntsujplig dag tej lus thiab ua rawsli dab tej lus qhia.

Koj tsis txhob mus mloog tej dabneeg thiab tej zaj uas cov pog laus nyiam mloog, tej ntawd tsis muaj qabhau dabtsi thiab tsis yog Vajtswv zaj. Koj ciali xyaum ua koj lub neej kom haum Vajtswv siab xwb.

Koj yuavtsum siv sijhawm nyeem Vajtswv tej Lus rau sawvdaws mloog, qhuabqhia thiab cobqhia lawv mus txog thaum kuv tuaj txog.