Popular Bible Verses from Y-Tit 3

Share

Ƀiădah tơdah klei jăk leh anăn klei khăp Aê Diê, Pô Bi Mtlaih drei, bi êdah leh, Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk, Pô Ñu tuh leh kơ drei êbeh dlai hlăm Yêsu Krist, Pô Bi Mtlaih drei, čiăng kơ drei dưi mâo klei yap kpă hŏng klei Ñu pap, leh anăn jing phung dưn ngăn hlăm klei čang hmăng kơ klei hdĭp hlŏng lar.

Bi hdơr bĕ kơ diñu brei thâo đup gưt kơ phung khua kiă kriê leh anăn kơ phung mâo klei dưi hlăm knŭk kna, thâo gưt asăp, kăp ngă jih bruă jăk, amâo blŭ jhat kơ arăng ôh, amâo bi msao ôh, jing êdu êun, leh anăn bi êdah klei êmhač kơ jih jang mnuih.

Ƀiădah brei đuĕ mơ̆ng klei bi tăng mluk, klei răk anăn phung aê, klei bi msao, leh anăn klei bi tăng kơ klei bhiăn, kyuadah klei anăn amâo yuôm ôh leh anăn hơăi mang.

Bi kơ mnuih duah klei bi kah phung, leh ih ƀuah ñu blư̆ tal sa, leh anăn blư̆ tal dua, đăm lŏ bi mguôp hŏng ñu ôh