Popular Bible Verses from Y-Tit 1

Share

Diñu hưn kơ diñu thâo kral Aê Diê, ƀiădah diñu hngah Aê Diê hŏng bruă diñu ngă. Diñu jing phung arăng bi êmut, phung amâo gưt asăp ôh, leh anăn amâo dưi ngă sa mta bruă jăk ôh.

Kơ phung doh jăk jih jang mnơ̆ng jing doh sơăi; ƀiădah kơ phung čhŏ leh anăn kơ phung amâo đăo ôh, amâo mâo sa mta mnơ̆ng jing doh ôh. Klei mĭn leh anăn ai tiê kpă diñu pô čhŏ jhat leh.

Brei ñu djă pioh kjăp klei blŭ sĭt tui si arăng mtô leh kơ ñu, čiăng kơ ñu dưi bi hriăm arăng tui si mta klei đăo sĭt, leh anăn msĕ mơh mâo klei dưi hŏng phung bi kdơ̆ng hŏng klei anăn.

Kyuadah khua pô mtô jing pô kiă kriê bruă Aê Diê, jing mnuih arăng amâo dưi ƀuah ôh. Ñu amâo jing mgao, djăl krêñ, kpiê ruă, jhŏng ƀai, amâodah kčưn kơ prăk lu ôh, ƀiădah brei ñu jing mnuih thâo jum arăng, khăp kơ klei ngă jăk, thâo mkhư̆ klei ñu pô čiăng, kpă, doh jăk, thâo dôk djŏ hnơ̆ng.

Brei ih mdưm sa čô êkei mduôn amâo mâo klei arăng dưi ƀuah ôh, dôk knŏng sa čô mô̆, mâo phung anak đăo leh arăng amâo dưi kčŭt kơ klei êgao hnơ̆ng amâodah kơ klei amâo gưt asăp ôh.