Popular Bible Verses from Klei Yap 22

Share

Hlăk anăn Yêhôwa pŏk ƀăng êgei aseh dliê, leh anăn gơ̆ lač kơ Y-Balaam, “Ya kâo ngă kơ ih leh tơl ih čăm kâo tlâo blư̆ hŏng anei?”

Hlăk anăn Yêhôwa pŏk ală Y-Balaam, leh anăn Y-Balaam ƀuh dĭng buăl jăk Yêhôwa dôk dơ̆ng ti êlan, djă đao gưm hliê hlăm kngan ñu. Y-Balaam kkui boh kŏ, leh anăn kŭp ƀô̆ ti lăn.

Dĭng buăl jăk Yêhôwa lač kơ ñu, “Si ngă ih čăm aseh dliê ih tlâo blư̆ leh? Nĕ anei, kâo hriê leh čiăng bi kdơ̆ng hŏng ih, kyuadah êlan ih jing wê yơh ti anăp kâo

Aseh dliê lač kơ Y-Balaam, “Amâo djŏ hĕ kâo jing aseh ih, ih đĭ kâo jih klei hdĭp ih truh kơ hruê anei? Kâo mưng ngă leh snei kơ ih mơ̆?” Ñu lač, “Hơăi.”

Y-Balaam lač kơ aseh dliê, “Kyuadah ih mưč mač kâo leh. Tơdah kâo mâo sa ƀĕ đao gưm hlăm kngan kâo, kâo bi mdjiê leh ih.”

Tơdah aseh dliê ƀuh dĭng buăl jăk Yêhôwa, gơ̆ buôn hĕ ti gŭ Y-Balaam; leh anăn Y-Balaam čuh ai ngêñ, leh anăn ñu čăm aseh dliê hŏng giê ñu.