Popular Bible Verses from Y-Mathiơ 13

Share

Bi kơ mjeh arăng rah leh ti lăn jăk, jing pô hmư̆ klei blŭ leh anăn thâo săng. Sĭt nik ñu mboh tơl sa asăr mjeh lŏ jing sa êtuh, đa năm pluh, đa tlâo pluh.”

Bi kơ mjeh rah ti anôk êruê, jing pô hmư̆ klei blŭ, ƀiădah klei uêñ hnĭng kơ lăn ala leh anăn klei mplư kbiă mơ̆ng klei čiăng klei mdrŏng sah ktư̆ hĕ klei blŭ, leh anăn ñu amâo mboh ôh.

Tơdah sa čô hmư̆ klei blŭ kơ ƀuôn ala mtao leh anăn amâo thâo săng ôh, pô jhat truh mă hĕ ya klei arăng rah leh hlăm ai tiê ñu, anei jing mjeh rah ktuê êlan.

Bi kơ mjeh arăng rah hlăm lăn boh tâo, jing pô hmư̆ klei blŭ leh anăn mă tŭ mtam hŏng klei hơ̆k, ƀiădah klei blŭ amâo mâo agha ôh hlăm ñu, ñu dôk gĭr knŏng bhiâo. Leh anăn tơdah mâo klei knap mñai amâodah klei ngă jhat truh kyua klei blŭ, ñu lui wir mtam.

“Ƀuôn ala mtao adiê jing msĕ si ngăn yuôm arăng mdăp leh hlăm sa bĭt hma. Sa čô mnuih ƀuh ngăn yuôm anăn ñu mdăp hĕ, leh anăn hŏng klei hơ̆k ñu nao čhĭ jih jang mnơ̆ng ñu mâo leh anăn blei hma anăn.”

Mjeh mkăn lĕ hlăm anôk lăn jăk leh anăn mboh, đa sa asăr jing sa êtuh, đa năm pluh, đa tlâo pluh.

Lui jih dua anăn hriê kơ dlông tơl truh ti yan wiă; leh anăn ti yan wiă kâo srăng mtă kơ phung wiă, buč rơ̆k jhat êlâo leh anăn čăp pioh čuh hĕ, ƀiădah bi kƀĭn mdiê ƀlê hlăm hjiê kâo.’ ”