Popular Bible Verses from Y-Yôel 1

Share

Mkra bĕ klei kăm ƀơ̆ng huă, iêô bĕ arăng kơ klei bi kƀĭn mâo klei mpŭ. Bi kƀĭn bĕ phung mduôn leh anăn jih jang phung dôk hlăm čar ti sang Yêhôwa Aê Diê diih, leh anăn ur kwưh bĕ kơ Yêhôwa.

Ơ phung khua ngă yang, hơô klŭng leh anăn čŏk hia bĕ, čŏk hia bĕ, Ơ phung mă bruă ti knưl. Mŭt bĕ, hơô klŭng êjai mlam, Ơ phung mă bruă kơ Aê Diê kâo! Kyuadah amâo lŏ mâo ôh mnơ̆ng myơr kpŭng ƀhĭ leh anăn mnơ̆ng myơr mnăm kơ sang Aê Diê diih.

Phŭn ana boh kriăk ƀâo dliu, ana boh hra krô. Ana boh pomgranat, ana boh đung, ana boh pom, jih jang ana kyâo hlăm hma dliu leh; phung anak mnuih luč leh klei hơ̆k mơak.