Popular Bible Verses from Y-Êsai 6

Share

Leh anăn kâo hmư̆ asăp Khua Yang lač, “Hlei pô kâo srăng tiŏ nao? Hlei pô srăng nao brei kơ drei?” Hlăk anăn kâo lač, “Tinei kâo, tiŏ nao kâo bĕ.”

Digơ̆ ur hdơ̆ng digơ̆, lač, “Doh jăk, doh jăk, doh jăk yơh Yêhôwa kơ phung kahan; jih lăn ala bŏ hŏng klei guh kơang Ñu.”

Kâo lač, “Knap mñai yơh kơ kâo! Djiê yơh kâo; kyuadah kâo jing mnuih mâo ƀăng kƀông čhŏ mrŏ, kâo dôk hdĭp ti krah sa phung ƀuôn sang mâo êlah čhŏ mrŏ, kyuadah ală kâo ƀuh leh Mtao, Yêhôwa kơ phung kahan!”

Thŭn Mtao Usia djiê, kâo ƀuh Khua Yang dôk gŭ ti sa boh jhưng mtao, mđĭ dlông snăk leh anăn arăng mpŭ, leh anăn kdrŭn ao jhung Ñu bi bŏ sang yang.

Sa čô Sêrap bi sô̆ ƀăng êgei kâo hŏng dŏ anăn leh anăn lač, “Dŏ anei sô̆ leh kƀông ih; arăng mă hĕ leh klei wê ih, leh anăn klei soh ih pap brei leh.”

Phung sêraphim dôk ti dlông Ñu; grăp čô digơ̆ mâo năm pŏk siap: dua pŏk guôm ƀô̆, dua pŏk guôm jơ̆ng, leh anăn dua pŏk pioh phiơr.

Hlăk anăn sa čô hlăm phung sêraphim phiơr hriê kơ kâo djă hdăng ngur ñu mă mơ̆ng knưl hŏng knaih điêt.

Ñu lač, “Nao bĕ, lač kơ phung ƀuôn sang anei: ‘Hmư̆ bĕ diih, ƀiădah amâo thâo săng ôh; dlăng bĕ diih, ƀiădah amâo thâo ƀuh ôh.’

Brei ih bi khăng hĕ ai tiê phung ƀuôn sang anei; bi ktrŏ hĕ ƀăng knga diñu, leh anăn bi pĭt hĕ ală diñu, huĭdah diñu ƀuh hŏng ală diñu, hmư̆ hŏng knga diñu, leh anăn ai tiê diñu thâo săng, leh anăn diñu lŏ wĭt leh anăn lŏ mâo klei bi hlao.”