1
Y-Êsai 54:17
Klei Aê Diê Blŭ 2015
RAD2015
Amâo mâo ôh sa mnơ̆ng bi blah arăng mkra čiăng ngă kơ ih srăng dưi, ih srăng dưi hŏng grăp êlah blŭ kđi bi kdơ̆ng hŏng ih. Klei anei yơh jing ngăn dưn kơ phung dĭng buăl Yêhôwa, leh anăn klei kpă ênô diñu mâo mơ̆ng Kâo,” Yêhôwa lač.
Compare
Explore Y-Êsai 54:17
2
Y-Êsai 54:10
Kyuadah čư̆ dưi đuĕ leh anăn kbuôn srăng mlih anôk, ƀiădah klei khăp sĭt suôr Kâo amâo srăng đuĕ mơ̆ng ih ôh, kăn klei Kâo bi mguôp kơ klei êđăp ênang srăng bi mlih rei,” Yêhôwa lač, mâo klei pap kơ ih pô.
Explore Y-Êsai 54:10
3
Y-Êsai 54:4
“Đăm huĭ ôh, kyuadah ih amâo srăng hêñ ôh; đăm rŭng răng ôh, kyuadah arăng amâo srăng bi hêñ ih ôh. Kyuadah ih srăng wơr bĭt klei ih hêñ êjai hlăk hđeh, leh anăn ih amâo srăng hdơr ôh kơ klei ih hêñ jing mniê djiê ung.
Explore Y-Êsai 54:4
4
Y-Êsai 54:5
Kyuadah Pô Hrih ih jing ung ih, Yêhôwa kơ phung kahan jing anăn Ñu; leh anăn Pô Doh Jăk Israel jing Pô Bi Tui ih, arăng pia Ñu Aê Diê kơ jih lăn ala.
Explore Y-Êsai 54:5
5
Y-Êsai 54:2
Bi ƀai bĕ anôk sang čhiăm ih, brei arăng lang bi prŏng čhiăm păng anôk ih dôk; đăm kơ̆ng ôh, dhiang klei ih leh anăn bi kjăp giê krơ̆ng ih.
Explore Y-Êsai 54:2
6
Y-Êsai 54:13
Yêhôwa srăng bi hriăm jih jang phung anak êkei ih, leh anăn phung anak êkei ih srăng đĭ kyar snăk.
Explore Y-Êsai 54:13
7
Y-Êsai 54:8
Hlăm klei ngêñ êbeh dlai Kâo mdăp leh ƀô̆ mta Kâo kơ ih bhiâo, ƀiădah hŏng klei khăp hlŏng lar Kâo srăng pap kơ ih,” Yêhôwa Pô Bi Tui ih lač.
Explore Y-Êsai 54:8
8
Y-Êsai 54:7
“Kâo lui ih leh bhiâo, ƀiădah hŏng klei pap prŏng Kâo srăng lŏ iêô ih.
Explore Y-Êsai 54:7
9
Y-Êsai 54:9
“Kyuadah Kâo yap klei anei jing msĕ si ênuk Y-Nôê; msĕ si Kâo kat asei leh kơ êa ênuk Y-Nôê amâo srăng lŏ lip lăn ala ôh, msĕ snăn mơh Kâo kat asei leh kơ Kâo amâo srăng ngêñ kơ ih ôh, kăn ƀuah kơ ih hlŏng lar rei.
Explore Y-Êsai 54:9
10
Y-Êsai 54:12
Kâo srăng ngă čuôr găp ih hŏng boh tâo rubi, ƀăng jang ih hŏng boh tâo êskabuk, leh anăn jih mnư̆ ih hŏng boh tâo yuôm.
Explore Y-Êsai 54:12
