Popular Bible Verses from Y-Êsai 52

Share

Siam jăk yơh ti dlông čư̆ jơ̆ng phung ba klei mrâo mrang jăk, phung hưn klei êđăp ênang, phung ba klei mrâo mrang kơ klei jăk, phung hưn klei bi mtlaih, phung lač kơ ƀuôn Siôn, “Aê Diê diih dôk kiă kriê!”

Msĕ si lu mnuih dôk bi kngăr kơ Ñu — kyua ƀô̆ mta Ñu êka êgao hĭn kơ mnuih tuôm mâo, leh anăn asei mlei Ñu êka hĭn kơ phung anak êkei mnuih — msĕ snăn yơh Ñu srăng bi kngăr lu phung găp djuê mnuih; kyua Ñu phung mtao srăng kđhĭp ƀăng êgei digơ̆. Kyuadah digơ̆ srăng ƀuh klei arăng amâo tuôm yăl dliê kơ digơ̆ ôh, leh anăn digơ̆ srăng thâo săng klei digơ̆ amâo tuôm hmư̆ ôh.

Nĕ anei, dĭng buăl Kâo srăng đĭ kyar, arăng srăng mpŭ kơ Ñu leh anăn bi mđĭ Ñu, Ñu srăng dôk ti anôk dlông snăk.