Popular Bible Verses from Y-Êsai 45

Share

Kâo srăng brei kơ ih ngăn yuôm klei mmăt, klei mdrŏng arăng pioh hlăm anôk hgăm, čiăng kơ ih dưi thâo Kâo yơh jing Yêhôwa Aê Diê phung Israel, Pô iêô ih hŏng anăn ih.

‘Kâo srăng nao êlâo kơ ih, leh anăn bi dap anôk kngư; Kâo srăng bi mčah đơ điêt ƀăng bhă kông, leh anăn bi joh hĕ giê kal msei.

Kâo jing Yêhôwa, amâo mâo pô mkăn ôh, ti êngao kơ Kâo amâo mâo Aê Diê ôh. Kâo srăng hyuă brei hdrăng kơiêng kơ ih, wăt tơdah ih amâo thâo kral Kâo ôh, čiăng kơ phung mnuih dưi thâo dơ̆ng mơ̆ng anôk yang hruê ƀlĕ truh kơ anôk yang hruê lĕ, amâo mâo pô mkăn ôh ti êngao Kâo. Kâo jing Yêhôwa, amâo mâo pô mkăn ôh.

Kâo mjing klei mngač leh anăn hrih klei mmăt. Kâo bi truh klei đĭ kyar leh anăn hrih klei bi rai. Kâo jing Yêhôwa, Pô ngă jih jang klei anei.’ ”

Wĭt bĕ kơ Kâo leh anăn mâo klei bi mtlaih, Ơ jih jang knhal lăn ala! Kyuadah Kâo jing Aê Diê, leh anăn amâo mâo pô mkăn ôh.

“Snei Yêhôwa lač kơ pô Ñu trôč leh êa ƀâo mngưi, Kơ Y-Sirus, pô Kâo djă kngan hnuă, čiăng bi mŭt phung găp djuê kơ ñu, leh anăn kleh hĕ hdrăng kơiêng phung mtao, čiăng pŏk ƀăng bhă ti anăp ñu leh anăn arăng amâo srăng lŏ kđăl ôh ƀăng jang

Kâo kat asei leh hŏng Kâo pô, klei blŭ kbiă leh mơ̆ng ƀăng êgei Kâo hŏng klei sĭt, leh anăn amâo srăng bi mlih ôh: ‘Jih jang srăng čuôn kơŭt ti anăp Kâo, leh anăn jih jang êlah srăng kat asei kơ Kâo.’

Kyua dĭng buăl Kâo, Y-Yakôp, leh anăn Israel, pô Kâo ruah leh, Kâo iêô ih hŏng anăn ih, Kâo brei anăn ih arăng mpŭ, wăt tơdah ih amâo thâo kral Kâo ôh.