Popular Bible Verses from Y-Êsai 35

Share

Phung Yêhôwa bi tui leh srăng lŏ wĭt, leh anăn hriê kơ ƀuôn Siôn hŏng klei mmuñ, đua đuôn mtao hơ̆k kdơ̆k hlŏng lar. Diñu srăng mâo klei mơak leh anăn klei hơ̆k kdơ̆k, klei ênguôt leh anăn klei krao srăng đuĕ kbưi.

Bi ktang bĕ kngan awăt, leh anăn bi kjăp bĕ kơŭt lĕk lŏk. Lač bĕ kơ phung mâo ai tiê huĭ, “Dôk ktang bĕ, đăm huĭ ôh! Nĕ anei, Aê Diê diih srăng hriê, Ñu srăng hriê hŏng klei rŭ ênua, jing klei rŭ ênua mơ̆ng Aê Diê. Ñu srăng hriê leh anăn bi mtlaih diih.”

Srăng mâo tinăn sa bĭt êlan dơ̆ng prŏng; pia Êlan Doh Jăk. Phung čhŏ mrŏ amâo srăng êbat tinăn ôh, ƀiădah srăng pioh kơ phung êbat hlăm klei doh jăk, phung mluk amâo srăng hiu rưng tinăn ôh.

Hlăk anăn ală phung bum srăng ƀuh mngač, leh anăn knga phung kngăl srăng thâo hmư̆.

Hlăk anăn pô êwiên srăng kdăt kdưt msĕ si hlô rang, leh anăn êlah mnuih kmlô srăng mmuñ hŏng klei hơ̆k. Kyuadah êa srăng bluh đoh hlăm dliê êhŏng, leh anăn srăng mâo hnoh êa hlăm kdrăn tač.