Popular Bible Verses from Y-Êsai 1

Share

Yêhôwa lač, “Hriê bĕ, brei drei ksiêm mđrăm mbĭt. Wăt tơdah klei soh diih jing hrah huč, diñu srăng jing kô̆ msĕ si pliêr; wăt tơdah diñu jing hrah jŭ, diñu srăng jing kô̆ msĕ si mlâo biăp.

Tơdah diih čiăng gưt asăp, diih srăng ƀơ̆ng boh jăk hĭn hlăm čar.

hriăm ngă bĕ klei jăk, Tui duah klei djŏ, mgang brei mnuih arăng ktư̆ juă. Ngă klei djŏ kơ phung anak êrĭt, blŭ mgang brei kơ phung mniê djiê ung.”

Ƀiădah tơdah diih hngah leh anăn bi kdơ̆ng, đao gưm srăng bi rai diih, kyuadah ƀăng êgei Yêhôwa blŭ leh.”

Rao bĕ diih pô, bi doh bĕ diih pô, mă hĕ klei jhat hlăm klei diih ngă mơ̆ng klei ti anăp ală Kâo, mdei bĕ ngă klei jhat

Tơdah diih yơr kngan diih, Kâo srăng mdăp ală Kâo kơ diih. Wăt tơdah diih wah lač lu, Kâo amâo srăng hmư̆ ôh, kyuadah kngan diih bŏ hŏng êrah.

Đăm lŏ ba mnơ̆ng myơr amâo yuôm ôh. Kâo bi êmut kơ mnơ̆ng ƀâo mngưi, kơ klei huă mnăm ti mlan mrâo ƀlĕ, kơ hruê sabat, leh anăn kơ klei iêô bi kƀĭn. Kâo amâo dưi tŭ ôh klei wê hlăm klei bi kƀĭn mpŭ.

Êmô thâo kral pô ñu, aseh dliê thâo kral hip rơ̆k khua ñu, ƀiădah phung Israel amâo thâo kral ôh, phung ƀuôn sang Kâo amâo thâo săng ôh.”

Mngăt Kâo bi êmut kơ jih hruê mlan mrâo leh anăn kơ jih hruê knăm tui si bi kčah leh. Diñu bi ktrŏ Kâo, Kâo êmăn klam diñu.