Phung ƀuôn sang Israel lač kơ diñu, “Jăk hĭn drei djiê leh hŏng kngan Yêhôwa hlăm čar Êjip, êjai drei dôk gŭ giăm gŏ čĭm leh anăn ƀơ̆ng tơl trei; kyuadah diih atăt hmei leh hlăm kdrăn tač anei čiăng bi mdjiê hŏng klei êpa jih jang phung bi kƀĭn anei.”
Leh anăn Yêhôwa lač kơ Y-Môis, “Nĕ anei Kâo srăng brei kpŭng mơ̆ng adiê msĕ si êa hjan lĕ kơ diih. Brei phung ƀuôn sang kbiă nao duñ djăp kơ sa hruê, čiăng kơ Kâo dưi lông dlăng diñu, thâodah diñu srăng êbat tui si klei bhiăn Kâo amâodah hơăi.