Popular Bible Verses from Y-Đaniel 12

Share

Phung thâo mĭn srăng mtrang msĕ si klei mngač hlăm adiê; leh anăn phung atăt lu mnuih kơ klei kpă ênô srăng mtrang msĕ si mtŭ nanao hlŏng lar.

Lu hlăm phung djiê leh srăng kbiă lŏ hdĭp, phung anei kơ klei hdĭp hlŏng lar, ƀiădah phung mkăn kơ klei hêñ leh anăn klei bi êmut hlŏng lar.

“Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Lu mnuih arăng srăng bi doh, brei amâo mâo klei čhŏ mrŏ ôh, leh anăn bi êngeh; ƀiădah phung ƀai ăt srăng ngă ƀai; leh anăn amâo mâo sa čô phung ƀai srăng thâo săng ôh, ƀiădah phung thâo mĭn srăng thâo săng.