Popular Bible Verses from II Y-Timôthê 1

Share

Kyuadah Aê Diê amâo brei ôh kơ drei mngăt blao, ƀiădah mngăt ktang, thâo khăp, leh anăn thâo dôk djŏ hnơ̆ng.

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Kyua klei anăn kâo bi hdơr kơ ih brei lŏ bi mrâo klei Aê Diê brei kơ ih leh hŏng klei kâo ênă kngan ti ih.

Snăn đăm hêñ ôh hưn klei Khua Yang drei, kăn hêñ rei kơ kâo pô jing mnă kyua ñu, ƀiădah tŭ bĕ kdrêč klei knap mñai kyua klei mrâo mrang jăk hlăm klei myang Aê Diê

Kyua klei anăn yơh kâo tŭ klei knap anei; ƀiădah kâo amâo hêñ ôh, kyuadah kâo thâo kral hlei pô kâo đăo leh, leh anăn kâo thâo sĭt kơ Ñu mâo klei myang dưi kiă kriê tơl truh hruê anăn klei Ñu jao leh kơ kâo.