Popular Bible Verses from II Kôrantô 1

Share

Mpŭ mni kơ Aê Diê leh anăn Ama Khua Yang drei Yêsu Krist, Ama kơ klei thâo pap leh anăn Aê Diê kơ jih klei bi juh, Pô bi juh hmei hlăm jih jang klei knap mñai hmei, čiăng kơ hmei dưi bi juh phung dôk hlăm klei knap mñai, hŏng klei bi juh Aê Diê bi juh leh hmei pô.

Kyuadah msĕ si hmei mâo lu kdrêč hlăm klei knap mñai Krist, msĕ snăn mơh hlăm Krist hmei mâo lu kdrêč klei bi juh.

Hmei mĭn hmei mă tŭ leh klei phat kđi brei djiê; ƀiădah klei anăn čiăng kơ hmei knang amâo djŏ kơ hmei pô ôh, ƀiădah kơ Aê Diê, Pô bi kbiă lŏ hdĭp phung djiê.

Aê Diê yơh jing Pô bi kjăp hmei mbĭt hŏng diih hlăm Krist, leh anăn trôč leh êa ƀâo mngưi kơ hmei. Ñu kđăm leh hmei, leh anăn brei leh kơ hmei Yang Mngăt Jăk Ñu dôk hlăm ai tiê hmei jing mnơ̆ng ƀuăn.

Tơdah hmei mâo klei knap mñai, klei anăn pioh bi juh leh anăn bi mtlaih diih. Tơdah hmei mâo klei bi juh, klei anăn pioh bi juh diih. Klei bi juh anăn bi truh hlăm diih klei gĭr êjai tŭ klei knap mñai msĕ si hmei tŭ leh.