Popular Bible Verses from Lucas 2

Share

Porque chupan re qꞌij reꞌ, pa rutinamit ri rey David, xalex jun Kolonel, y riꞌ ja ri Ajaw ri taqon pe roma ri Dios chukolik ri rutinamit.

Pero ri ángel xubꞌij chake: Ma tixibꞌij iwiꞌ, porque riyin nukꞌamon pe utzulej teq tzij ri kꞌo utz ndukꞌen pe chiwa, ri ndubꞌen chi santienta ndikikot kánima konojel wineq.

¡Kin tiyoꞌox ruqꞌij ri nimalej Dios chikaj! ¡Y chochꞌulew tikꞌojeꞌ uxlanen pa kánima ri wineq ri kꞌo ri favor nduyaꞌ ri Dios pa kiwiꞌ!

Y ri Jesús bꞌaneq rukꞌiyik rupalen, keriꞌ chuqaꞌ ri runojibꞌal, y ri favor nduyaꞌ ri Dios kꞌo pa ruwiꞌ y ri wineq kin utz runoꞌoj ndikitzꞌet.

Y jareꞌ ri etal chin ndiwetamaj chi ja xiwil ri akꞌual: Ndeꞌiwilaꞌ chi bꞌotzon pa kꞌul y libꞌan pa jun kiwayibꞌal awej.

Chupan teq ri qꞌij riꞌ chunaqaj ri tinamit Belén, ekꞌo yuqꞌunelaꞌ pa qꞌas, ngekichajij ri bꞌotzaj teq kikarneꞌl chaqꞌaꞌ. Y xukꞌut kꞌa riꞌ jun ángel chikiwech, y ri nimalej ruqꞌij ri Ajaw xyikꞌan pa ruwiꞌ ri apeꞌ ekꞌo, y ri yuqꞌunelaꞌ santienta xkixibꞌij kiꞌ.