Popular Bible Verses from Roma 8

Share

‘Ua tatou iloa fo‘i o lo‘o galue le Atua i mea uma lava mo le lelei, fa‘atasi ma i latou o ē ‘ua alolofa atu ‘iā te ia, o i latou ia ‘ua vala‘auina i lona finagalo.

Auā ‘ua ‘ou mautinoa, e lē mafaia e le oti, po o le ola, po o agelu, po o ali‘i, po o mea i aso nei, po o mea i aso o lumana‘i, po o le malosi, po o le maualuga, po o le loloto, po o se isi mea na faia, e lē mafaia e ia mea ‘ona fa‘ate‘aina mai i tatou i le alofa o le Atua, o lo‘o ‘iā Keriso Iesu lo tatou Ali‘i.

E fa‘apea fo‘i ‘ona fesoasoani mai le Agaga i lo tatou vaivai; auā tatou te lē iloa pe fa‘apefea ‘ona tatalo atu e pei ‘ona tatau ai; peita‘i o le Agaga lava e fautua mo i tatou i le ōi e lē mafai ‘ona fa‘amatalaina.

O le ā ‘ea sa tatou ‘upu e fai i lenei mea? ‘Āfai ‘ua ‘au ma i tatou le Atua, o ai la e fa‘asagatau mai ia i tatou?

O lenei, ‘ua leai se fa‘asalaga mo ē o lo‘o ‘iā Keriso Iesu.

O le loto atu i le tino o le oti lea; a o le loto i le Agaga o le ola lea ma le manuia.

A ‘ua tatou matuā manumālō i nei mea uma lava ‘ona o ia ‘ua alofa mai ‘iā te i tatou.

O lo‘u manatu e lē tatau ‘ona fa‘atusa le tigā i aso nei, ma le manuia o le a o‘o mai, e fa‘aalia mai ‘iā te i tatou.

O ai se isi na te fa‘ate‘a‘eseina mai i tatou i le alofa o Keriso? O le puapuagā ‘ea, po o le atuatuvale, po o le sauā, po o le oge, po o le lē lavalavā, po o le pagātia, po o le pelu?

O lē o lo‘o su‘esu‘e i loto o tagata, ‘ua silafia e ia le finagalo o le Agaga; auā o lo‘o fautua le Agaga mo le au pa‘ia e tusa ma le finagalo o le Atua.

Auā o i latou uma ‘ua ta‘ita‘iina e le Agaga o le Atua, o atali‘i i latou o le Atua.

Auā o ē e fa‘aletino e loto atu i latou i mea a le tino; a o ē e fa‘aleagaga e loto atu i latou i mea a le Agaga.

E le‘i fa‘asaoina e le Atua lona lava Alo, a ‘ua foa‘iina mai o ia e ia mo i tatou uma; e lē foa‘iina mai ‘ea e ia ‘iā te i tatou mea uma lava fa‘atasi ma ia?

O le Agaga lava lea o lo‘o molimau mai i o tatou agaga, o le fānau i tatou a le Atua. ‘Āfai fo‘i o le fānau i tatou, o lona uiga o i tatou o suli, o suli lava o le Atua o suli fa‘atasi ma Keriso, pe ‘āfai tatou te tigā fa‘atasi ma ia, ‘ina ‘ia fa‘amanuiaina fo‘i i tatou fa‘atasi ma ia.

Auā o le loto i le tino o le ita lea i le Atua; e lē usiusita‘i fo‘i i le tulafono a le Atua, ma e matuā lē mafai lava ‘ona usiusita‘i i ai.

Auā o lo‘o fa‘atalitali mea uma na faia ma le naunauta‘i i le fa‘aalia mai o atali‘i o le Atua.

Auā ‘ua tatou iloa ‘ua ōi fa‘atasi, ma ‘o‘ono fa‘atasi mea uma lava na faia, ‘ua o‘o mai lava i aso nei.