Popular Bible Verses from Roma 6

Share

Auā o le oti o le totogi lea o le agasala; a o le ola e fa‘avavau, o le meaalofa foa‘ifua mai lea a le Atua e ala i lo tatou Ali‘i o Iesu Keriso.

Auā e lē pule le agasala ‘iā te ‘outou, ‘ona ‘ua ‘outou lē o nonofo i le tulafono a o le alofa tunoa.

O le mea lea, ‘ua tatanu fa‘atasi ai i tatou ma ia i le papatisoga i lona maliu, ‘ina ‘ia tatou savavali i le ola fou, e pei ‘ona toe fa‘atūina o Keriso nai ē ‘ua oti i le mamalu o le Tamā.

‘Aua fo‘i ne‘i tu‘uina atu o ‘outou tino i le agasala e fai ma ‘au‘upega a le amioleaga; a ‘ia ‘outou tu‘uina atu ‘outou lava i le Atua, fa‘apei o tagata ‘ua ‘aumaia nai le oti i le ola; ma ‘ia tu‘uina atu o ‘outou tino i le Atua e fai ma ‘au‘upega a le amiotonu.

‘Ua tatou iloa ‘ua fa‘asatauroina lo tatou tagata tuai fa‘atasi ma ia, ‘ina ‘ia fa‘aumatia lo tatou tino agasala, ma ‘ia lē toe ‘avea i tatou ma pologa i le agasala.

O lea fo‘i ‘ua tatau ai ‘ona ‘outou manatu ifo ‘ua oti ‘outou i le agasala, a ‘ua ‘outou ola i le Atua ‘ona o Keriso Iesu.

O lenei, o le ā ‘ea sa tatou ‘upu e fai? A tatou saga ola pea ‘ea i le agasala ‘ina ‘ia fa‘ateleina ai le alofa tunoa? E leai lava! O i tatou o ē ‘ua oti i le agasala, pe fa‘apefea ‘ona tatou saga ola ai pea fa‘apenā?

Tou te lē iloa ‘ea, ‘āfai tou te tu‘uina atu ‘outou lava e ‘avea ma ‘au‘auna a se isi, ‘ona ‘avea lea o ‘outou ma ‘au‘auna a lē ‘ua ‘outou usiusita‘i i ai; po o le agasala e o‘o ai i le oti, po o le usiusita‘i e o‘o ai i le amiotonu?

‘Ae fa‘afetai lava i le Atua, ‘ona o ‘outou o ē sa ‘avea ma ‘au‘auna a le agasala, a ‘ua ‘outou usiusita‘i nei ma le loto ‘atoa i le fa‘aa‘oa‘oga o le matā‘upu na tu‘uina atu ‘iā te ‘outou. ‘Ona ‘ua fa‘asa‘olotoina ‘outou nai le agasala, o lea ‘ua ‘avea ai ‘outou ma ‘au‘auna a le amiotonu.