Popular Bible Verses from Roma 4

Share

E le‘i fa‘alētonu lona fa‘atuatua i le mea na folafolaina e le Atua, peita‘i ‘ua fa‘amalosia atili lona fa‘atuatua a o tu‘uina atu e ia le vi‘iga i le Atua. ‘Ua mautinoa fo‘i e ia e mafai e le Atua ‘ona fa‘ataunu‘u le mea na folafolaina mai e ia.

E pei ‘ona tusia, “ ‘Ua ‘ou tofia oe e ‘avea ma tamā o nu‘u e tele,” i luma o le Atua lē ‘ua fa‘atuatua i ai o ia, lē e foa‘iina atu le ola i ē ‘ua oti, ma vala‘auina ia i ai mea sa lē i ai.

Na tu‘uina atu o ia ‘ina ‘ia oti ‘ona o a tatou agasala, ma toe fa‘atūina mai ‘ina ‘ia ta‘uamiotonuina ai i tatou i luma o le Atua.

Na fa‘atuatua ma fa‘amoemoe o ia a o le‘i i ai se mea e fa‘amoemoe i ai, ‘ina ‘ia ‘avea o ia ma tamā o nu‘u e tele; e pei lava ‘ona ta‘uina mai ‘iā te ia, “O le a fa‘apea lava fo‘i lau fānau.”

O le mea ‘ua ala mai ai i le fa‘atuatua le mea na folafolaina, ‘ina ‘ia maua i le alofa tunoa. ‘Ina ‘ia tumau ai ia i latou uma e tupuga mai uma lava ‘iā Aperaamo, e lē na o ē ‘ua i le tulafono, a o i latou uma ‘ua au fa‘atasi i lona fa‘atuatuaga, o ia o le tamā o i tatou uma.

“ ‘Amu‘ia ē ‘ua fa‘amāgaloina o latou solitulafono, ma ‘ua ufitia a latou agasala. ‘Amu‘ia le tagata e lē ta‘usalaina o ia e le Ali‘i.”

Auā, o le ā ‘ea le mea o lo‘o fai mai ai le Tusi? “Na fa‘atuatua Aperaamo i le Atua, ‘ona ta‘ua ai lea o ia o le tagata amiotonu.”