Popular Bible Verses from Roma 16

Share

E o‘o ‘ina olopalaina Satani e le Atua e ona le manuia i lalo o ‘outou vae. ‘Ia ‘iā te ‘outou le alofa tunoa o lo tatou Ali‘i o Iesu Keriso. Amene.

‘Ou te ‘ai‘oi atu fo‘i ‘iā te ‘outou, uso e, ‘ia ‘outou va‘ava‘ai i ē e fa‘atupuina fevaevaea‘iga, ma mea e ta‘ita‘isesēina ai tagata; o mea ia e lē tusa ma le matā‘upu ‘ua a‘oa‘oina ai ‘outou; ‘ia ‘outou liliu ‘ese fo‘i ‘iā te i latou.

Auā o ē e faia mea fa‘apea e lē ‘au‘auna i latou i lo latou Ali‘i o Iesu Keriso, a o o latou lava manava. ‘Ua fa‘asesēina fo‘i e i latou loto o tagata e lē manatu leaga, i lo latou fai atu i ai o ‘upu fa‘ane‘ene‘e ma ‘upu taufa‘ase‘e.

‘Ia vi‘ia lē na te mafaia ‘ona fa‘atumau ‘outou, e tusa ma la‘u Tala Lelei, ma le tala‘iina o le tala ‘iā Iesu Keriso, e tusa ma le fa‘aaliga o le mea lilo sa natia i tausaga o le vavau; a ‘ua fa‘aalia mai nei i tusi a perofeta, e tusa ma le poloa‘iga a le Atua e fa‘avavau, ‘ua fa‘ailoa mai i nu‘u uma, ‘ina ‘ia usiusita‘i i le fa‘atuatua. O le Atua poto o ia e to‘atasi, ia ‘iā te ia le vi‘iga e fa‘avavau lava, ‘ona o Iesu Keriso. Amene.